ଓଡିଆନ୍ ନ୍ୟୁଜ

166

ଶନିବାର ଇସ୍ତଫା ଦେବେ ଶ୍ରୀଲଙ୍କାର ବିବାଦୀୟ ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେ

Team Odian News |

ଶନିବାର ଇସ୍ତଫା ଦେବେ ଶ୍ରୀଲଙ୍କାର ବିବାଦୀୟ ପ୍ରଧାନମନ୍ତ୍ରୀ ମହିନ୍ଦ୍ରା ରାଜପକ୍ଷେ 


କଲମ୍ବୋ,୧୪/୧୨(ଓଡ଼ିଆନ ନ୍ୟୁଜ ): ଶ୍ରୀଲଙ୍କାରେ ଗତ ଦୁଇ ମାସ ଧରି ଚାଲିଥିବା ରାଜନୈତିକ ସଂକଟର ଅବସାନ ହେବାକୁ ଯାଉଛି । ବିବାଦୀୟ ଉପାୟରେ ପ୍ରଧାନମନ୍ତ୍ରୀ ହୋଇଥିବା ମହିନ୍ଦ୍ରା ରାଜପକ୍ଷେ ପଦ ଛାଡିବାକୁ ସଂକେତ ଦେଇଛନ୍ତି । ଏ ସଂପର୍କରେ ତାଙ୍କ ପୁଅ ନମଲ କହିଛନ୍ତି ସେ ଶନିବାର ଦିନ ଇସ୍ତଫା ଦେବେ । ଗତକାଲି ଧାର୍ଯ୍ୟ ସମୟ ପୂର୍ବରୁ ଶ୍ରୀଲଙ୍କାର ସଂସଦକୁ ଭାଙ୍ଗିଦେବା ବେଆଇନ ବୋଲି ଶ୍ରୀଲଙ୍କାର ସୁପ୍ରିମକୋର୍ଟ ରାୟ ଦେଇଥିଲେ । ୨୦ ମାସ ପୂର୍ବରୁ ସଂସଦକୁ ଭାଙ୍ଗିଦେବା ଅସାମ୍ବିଧାନିକ ବୋଲି କୋର୍ଟ କହିଥିଲେ । ଏକ ସାତ ଜଣିଆ ସାମ୍ବିଧାନିକ ବେଞ୍ଚ ଏହି ଗୁରୁତ୍ୱପୂର୍ଣ୍ଣ ରାୟ ଦେଇଥିଲେ । ଏହା ଫଳରେ ରାଷ୍ଟ୍ରପତି ମୈତ୍ରୀପାଳ ସିରିସେନା ଓ ରାଜପକ୍ଷେଙ୍କୁ ଡବଲ ଧକ୍କା ଲାଗିଛି । ଏହା ପୂର୍ବରୁ  ପ୍ରଧାନମନ୍ତ୍ରୀ ରନିଲ ବିକ୍ରମସିଂଘେ ସଂସଦରେ ନିଜର ସଂଖ୍ୟାଗରିଷ୍ଠତା ପ୍ରମାଣ କରିଥିଲେ । ଗତ ମାସରେ ମଧ୍ୟ ପ୍ରଧାନମନ୍ତ୍ରୀଙ୍କୁ ବରଖାସ୍ତ ଓ ସଂସଦକୁ ଭାଙ୍ଗିଦେବାକୁ ରାଷ୍ଟ୍ରପତି ମୈତ୍ରୀପାଳ ସିରିସେନା ଦେଇଥିବା ନିର୍ଦ୍ଦେଶକୁ ବେଆଇନ ଘୋଷଣା କରଥିଲେ ଶ୍ରୀଲଙ୍କାର ସୁପ୍ରିମକୋର୍ଟ ।