ଓଡିଆନ୍ ନ୍ୟୁଜ

109

ରାମଠେଙ୍ଗାଠାରେ ୱାଡ଼ି ପ୍ରକଳ୍ପ ଅନ୍ତର୍ଗତ ବୃକ୍ଷରୋପଣ କାର୍ଯ୍ୟକ୍ରମର ଶୁଭାରମ୍ଭ

Team Odian News |

ରାମଠେଙ୍ଗାଠାରେ ୱାଡ଼ି ପ୍ରକଳ୍ପ ଅନ୍ତର୍ଗତ ବୃକ୍ଷରୋପଣ କାର୍ଯ୍ୟକ୍ରମର ଶୁଭାରମ୍ଭ
କଳିଙ୍ଗନଗର: ଟାଟା ଷ୍ଟିଲ ପକ୍ଷରୁ କାର୍ଯ୍ୟକାରୀ କରାଯାଉଥିବା ନାବାର୍ଡ଼ର ୱାଡ଼ି ପ୍ରକଳ୍ପ ଅନ୍ତର୍ଗତ ନଡ଼ିଆଭଙ୍ଗା ପଞ୍ଚାୟତର ରାମଠେଙ୍ଗାଠାରେ ଆଜି ବୃକ୍ଷରୋପଣ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ଏହି ଅବସରରେ ସୁକିନ୍ଦା ବିଧାୟକ ଶ୍ରୀ ପ୍ରୀତିରଞ୍ଜନ ଘଡ଼ାଇ ଚାରା ରୋପଣ କରିଥିଲେ । ଏହି ୫ ବର୍ଷିଆ ପ୍ରକଳ୍ପ ଅନ୍ତର୍ଗତ ନଡ଼ିଆଭଙ୍ଗା, ଶାଳିଜଙ୍ଗା, ରଣାଗୁଣ୍ଡି, ଚିତ୍ରି ଓ ଗୋବରଧନପୁର ଗ୍ରାମ ପଞ୍ଚାୟତରେ ବୃକ୍ଷରୋପଣ କରାଯିବ । ୪୫୦ ଏକର ଜମିରେ କାର୍ଯ୍ୟକାରୀ ହେବାକୁଥିବା ଉକ୍ତ ପ୍ରକଳ୍ପ ଦ୍ୱାରା ମୋଟ ୫୦୦ ପରିବାର ଲାଭବାନ ହେବାର ଆଶା ରହିଛି । 
ଆଦିବାସୀ ବିକାଶ ପାଇଁ ଉଦ୍ଦିଷ୍ଟ “ୱାଡ଼ି” ପ୍ରକଳ୍ପ ଦ୍ୱାରା ଫସଲ ଉତ୍ପାଦନ, ପ୍ରକ୍ରିୟାକରଣ ଓ ବିପଣନ ଭଳି ଅନ୍ୟ ସମସ୍ୟା ଉପରେ ଚାଷୀମାନଙ୍କୁ ସହାୟତା ଯୋଗାଇ ଦିଆଯିବ । ଏହାପୂର୍ବରୁ ଉକ୍ତ କାର୍ଯ୍ୟକ୍ରମ ଅନ୍ତର୍ଗତ ରାମଠେଙ୍ଗା, କୈବଲ୍ୟଗାଡ଼ିଆ, ଧବାହଳି, ଫୁଲଝର, ସତାବତିଆ, ବାରବାଙ୍କି ଓ ଖଣ୍ଡରା ଭଳି ଗ୍ରାମର ଲୋକମାନଙ୍କୁ ଆମ୍ବ ଓ କାଜୁରଚାରା ପ୍ରଦାନ କରାଯାଇଛି । ଏହାସହିତ ବାଡ଼ ନିର୍ମାଣ, ଜଳସେଚନ ଢାଞ୍ଚାର ସୃଷ୍ଟି, ପନିପରିବାରେ ଆନ୍ତଃଫସଲ ଦିଗରେ ଜ୍ଞାନ ପ୍ରଦାନ, ପ୍ରଶିକ୍ଷଣ ଓ ପରିଦର୍ଶନ ଯାତ୍ରା ଭଳି କାର୍ଯ୍ୟକ୍ରମର ଆୟୋଜନ କରାଯିବ । ଏହି ଅବସରରେ ଓଡ଼ିଶା ସିଏସ୍ଆର ବିଭାଗ ମୁଖ୍ୟ ଶ୍ରୀ ଅମ୍ବିକା ପ୍ରସାଦ ନନ୍ଦ ଓ ଗ୍ରାମବାସୀଉପସ୍ଥିତ ଥିଲେ ।