ଆଇପିଏଲ୍‌: କୋଲକାତାର ୧୦୧ ରନ୍‌ରେ ଟିମ୍ ଆଉଟ୍‌, ୭୫ ରନ୍‌ରେ ଜିତିଲା ଲଖନଉ

ପୁଣେ,୦୮/୦୫ : ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍‌)-୨୦୨୨ର ୫୩ତମ ମ୍ୟାଚ୍‌ରେ ଲଖନଉ ସୁପର ଜ୍ୟାଣ୍ଟ ଦମଦାର ବିଜୟ ହାସଲ କରିଛି । ଅପରପକ୍ଷେ କୋଲକାତାର ଦୟନୀୟ ସ୍ଥିତି ଦେଖିବାକୁ ମିଳିଛି । ପୁନେସ୍ଥିତ ମହାରାଷ୍ଟ୍ର କ୍ରିକେଟ୍ ଆସୋସିଏଶନ ଷ୍ଟାଡିୟମରେ ଶନିବାର ଖେଳାଯାଇଥିବା ମ୍ୟାଚ୍‌ରେ  କେଏଲ୍ ରାହୁଲଙ୍କ ନେତୃତ୍ୱରେ ଲଖନଉ ଟିମ୍ ୭ ୱିକେଟ୍ ହରାଇ ୧୭୬ ରନ୍ ସଂଗ୍ରହ କରିଥିଲା । ଜବାବରେ କୋଲକାତା ଟିମ୍ ୧୪.୩ ଓଭରରେ ୧୦୧ ରନ୍‌ରେ ଅଟକି ଯାଇଥିଲା ।  ୧୭୭ ରନ୍‌ ଲକ୍ଷ୍ୟରେ କଲକାତା ନାଇଟ୍‌ ରାଇଡର୍ସ ବିପର୍ଯ୍ୟୟ ସହ ଇନିଂସ ଆରମ୍ଭ କରିଥିଲା। ମାତ୍ର ୨୫ ରନ୍‌ରେ କେକେଆର୍ ୪ଟି ୱିକେଟ ହରାଇଥିଲା। ବାବା ଇନ୍ଦ୍ରଜିତ ବିନା ସ୍କୋର୍‌ରେ ଓ ଅଧିନାୟକ ଶ୍ରେୟାସ ଆୟର ୬ ରନ୍‌କରି ଆଉଟ୍‌ ହୋଇଥିଲେ। ଫର୍ମରେ ନଥିବା ଆରୋନ୍ ଫିଞ୍ଚ୍ ୧୪ ଓ ନୀତୀଶ ରାଣା ୨ ରନ୍‌କରି ବିଦାୟ ନେଇଥିଲେ। ଆ‌େ‌ନ୍ଦ୍ର ରସେଲ୍‌ କ୍ରିଜ୍‌କୁ ଆସିବା ମାତ୍ରେ ଆକ୍ରମଣ କରିଥିଲେ। ହେଲେ ରିଙ୍କୁ ସିଂହ ଏକ ବେପରୁଅା ସଟ୍‌ ଖେଳି ୬ ରନ୍‌କରି ଆଉଟ୍‌ ହୋଇଥିଲେ। ଅଧିକ ସଟ୍‌ ଖେଳିବା ପ୍ରୟାସରେ ରସେଲ୍‌ ଆଉଟ୍‌ ହୋଇଥିଲେ। ରସେଲ୍‌ ୧୯ ବଲ୍‌ରୁ ୫ଟି ଛକା ଓ ୩ଟି ଚୌକା ସହ ୪୫ ରନ୍‌ କରିଥିଲେ। ସୁନୀଲ ନାରାୟଣ ୧୨ ବଲ୍‌ରୁ ଗୋଟିଏ ଛକା ଓ ୩ଟି ଚୌକା ସହ ୨୨ ରନ୍‌ କରିଥିଲେ। ଆଭେସ୍ ଖାଁ ଓ ଜେସନ୍ ହୋଲ୍‌ଡର ୩ଟି ଲେଖାଏଁ ୱିକେଟ ନେଇଥିଲେ। କେକେଆର୍ ଟସ୍ ଜିତି ଫିଲ୍‌ଡିଂ ନେବା ପରେ ଲକ୍ଷ୍ନୌ ସୁପର ଜ୍ୟାଣ୍ଟ୍‌ସ ଅଧିନାୟକ କେ.ଏଲ୍‌. ରାହୁଲ ବଲ୍‌ ନ ଖେଳି ରନ୍‌ଆଉଟ୍‌ ହୋଇଥିଲେ। ୨ୟ ୱିକେଟ ପାଇଁ କ୍ବିଣ୍ଟନ୍ ଡି କକ୍ ଓ ଦୀପକ ହୁଡା ଦ୍ରୁତ ୭୧ ରନ୍‌ ଯୋଡ଼ିଥିଲେ। ଡି କକ୍ ବିସ୍ଫୋରକ ବ୍ୟାଟିଂକରି ୨୯ ବଲ୍‌ରୁ ୩ଟି ଛକା ଓ ୪ଟି ଚୌକା ସହ ୫୦ ରନ୍‌କରି ଆଉଟ୍‌ ହୋଇଥିଲେ। ଫର୍ମରେ ଥିବା ହୁଡା ଅନୁରୂପ ବ୍ୟାଟିଂକରି ୨୭ ବଲ୍‌ରୁ ୨ଟି ଛକା ଓ ୪ଟି ଚୌକା ସହ ୪୧ ରନ୍‌ କରିଥିଲେ। ପରେ ରନ୍‌ଗତି କମି ଯାଇଥିଲା। କ୍ରୁନାଲ ପାଣ୍ଡ୍ୟା ୨୭ ବଲ୍‌ରୁ ୨ଟି ଚୌକା ସହ ୨୫ ରନ୍‌ କରିଥିଲେ। ଦୁଇ ବିଦେଶୀ ଅଲ୍‌ରାଉଣ୍ଡର ମାର୍କସ ଷ୍ଟୋଇନିସ୍ ଓ ଜେସନ୍‌ ହୋଲ୍‌ଡର ଆକ୍ରମଣ କରିଥିଲେ। ୧୯ଶ ଓଭରର ପ୍ରଥମ ୩ଟି ବଲ୍‌ରେ ୩ଟି ଛକାମାରି ୪ର୍ଥ ବଲ୍‌ରେ ଷ୍ଟୋଇନିସ୍ ଆଉଟ୍‌ ହୋଇଥିଲେ। ଶେଷ ୨ଟି ବଲ୍‌କୁ ହୋଲ୍‌ଡର ଛକା ମାରି ଦେଇଥିଲେ। ଷ୍ଟୋଇନିସ୍‌ ୧୪ ବଲ୍‌ରୁ ୩ଟି ଛକା ଓ ଗୋଟିଏ ଚୌକା ସହ ୨୮ ଏବଂ ହୋଲ୍‌ଡର ୪ଟି ବଲ୍‌ରୁ ୨ଟି ଛକା ସହ ୧୩ ରନ୍‌ କରିଥିଲେ। ଆ​‌େ​‌ନ୍ଦ୍ର ରସେଲ୍‌ ୨ଟି ୱିକେଟ ନେଇଥିଲେ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!
%d bloggers like this: