ଆଜିଠୁ ବିଧାନସଭା ବଜେଟ୍ ଅଧିବେଶନ

ଭୁବନେଶ୍ୱର,୨୫/୦୩: ଆଜିଠୁ ବିଧାନସଭାର ବଜେଟ ଅଧିବେଶନ । ଆସନ୍ତା ୩୧ ତାରିଖ ପର୍ଯ୍ୟନ୍ତ ଚାଲିବ ଅଧିବେଶନ । ଅଧିବେଶନରେ ୬ଟି କାର୍ଯ୍ୟ ଦିବସ ରହିଛି । ପ୍ରଥମ ଦିନରେ ଆଜି ରାଜ୍ୟପାଳ ଗଣେଶୀ ଲାଲ ଅଭିଭାଷଣ ରଖିବେ । ମାର୍ଚ୍ଚ ୩୦ରେ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ ହେବ ।ତେବେ ବିଧାନସଭାରେ ବଜେଟ୍ ଅଧିବେଶନକୁ ନେଇ କମିଶନରେଟ ପୁଲିସ ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରିଛି ।   ବିଧାନସଭା ଓ ଏହାର ଆଖପାଖ ଅଞ୍ଚଳ ସମେତ ଧାରଣା ସ୍ଥଳରେ ସୁରକ୍ଷା ବ୍ୟବସ୍ଥା ପାଇଁ ୩୫ ପ୍ଲାଟୁନ୍‌ ଫୋର୍ସ ମୁତୟନ ହୋଇଛନ୍ତି । ବିଧାନସଭା ଫାଟକ ନିକଟରେ ସଶସ୍ତ୍ର ପୁଲିସ୍‌ ମୁତୟନ ହୋଇଛନ୍ତି । ୨ ୟୁନିଟ୍‌ ଏସ୍‌ଓଜି ୨୪ ଘଣ୍ଟିିଆ ପହରା ଦେବେ । ସୁରକ୍ଷା ବ୍ୟବସ୍ଥାରେ ଅତରିକ୍ତ କମିଶନର, ୪ ଅତିରିକ୍ତ ଡିସିପି, ୧୨ ଜଣ ଏସିପି, ୧୦ ଆଇଆଇସି, ୮୯ ଜଣ ଏସ୍‌ଆଇ ଏବଂ ଏଏସ୍‌ଆଇ ନିୟୋଜିତ ହୋଇଛନ୍ତି ।ସ୍ଥିତି ଉପରେ ୧୦୦ରୁ ଊର୍ଦ୍ଧ୍ୱ ଅଫିସରଙ୍କୁ ମଧ୍ୟ ନିୟୋଜିତ କରାଯାଇଛି। ଏହି ୩୫ପ୍ଲାଟୁନ୍‌ ପୁଲିସ୍‌ ମଧ୍ୟରୁ ଲୋୟର ପିଏମ୍‌ଜିକୁ ଜଗି ରହିବେ ୮ ପ୍ଲାଟୁନ୍‌, ବିଧାନସଭା ବାହାରେ ଭିତରେ ରହିବେ ୧୫ ପ୍ଲାଟୁନ୍‌ । ତା’ଛଡା ବାକି ପୁଲିସ୍‌ କର୍ମଚାରୀ ରବିନ୍ଦ୍ର ମଣ୍ଡପ ଛକ, ଜୟଦେବ ଭବନ ପାଖ ଓ ଏମ୍‌ଏଲଏ କଲୋନୀରେ ରହିବେ । ନବୀନ ନିବାସ ପାଇଁ ସ୍ୱତନ୍ତ୍ର ପୁଲିସ ମୁତୟନ କରାଯାଇଛି । ଏନେଇ ବୁଧବାର ଅପରାହ୍ଣରେ ପୁଲିସ୍‌ ମହାନିର୍ଦ୍ଦଶେକ ସୁନୀଲ୍‌ ବଂଶଲ୍‌ ଲୋୟର ପିଏମ୍‌ଜି ବୁଲି ଦେଖିଥିଲେ ଅଧିବେଶନ ଚାଲିଥିବା ସମୟରେ ଯେମିତି କୌଣସି ପ୍ରକାର ଅଘଟଣା ନ ଘଟେ ସେ ଦିଗରେ ଦୃଷ୍ଟି ଦେବାକୁ ପୁଲିସ କମିଶନରଙ୍କ ସହ ଆଲୋଚନା କରିଥିଲେ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!
%d bloggers like this: