ଡକାୟତି ଯୋଜନା ବେଳେ ୩ ଗିରଫ,ମାରଣାସ୍ତ୍ର ସହ ଚୋରି ସାମଗ୍ରୀ ଜବତ

ବ୍ରହ୍ମପୁର-୨୨/୦୧(ମନୋଜ କୁମାର ପାତ୍ର):ଗତ ରାତ୍ରି ପ୍ରାୟ ୨ଘଣ୍ଟା ସମୟରେ ବ୍ରହ୍ମପୁର ସଦର ଥାନା ପୋଲିସ୍ ପେଟ୍ରୋଲିଂ କରୁଥିବା ସମୟରେ ତିନିଜଣ ଅଭିଯୁକ୍ତକୁ ସନ୍ଦେହ କରି ଗିରଫ କରିଛି । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ସଦର ଥାନା ଅନ୍ତର୍ଗତ ବଉଳଝୋଳି ଗ୍ରାମର ଏସ୍. ରମେଶ(୪୫) ,ବଡବଜାର ଥାନା ଅନ୍ତର୍ଗତ ବାଉରୀ ସୁକୁଣ୍ଡା ଏନାଦ୍ରୀ ସାହିର କେ. ପ୍ରକାଶ(୨୮) ,ସଦର ଥାନା ଅନ୍ତର୍ଗତ ବାଳକୃଷ୍ଣ ପୁର ଗ୍ରାମର ଟି. ରାମ(୩୨) ବୋଲି ଜଣାପଡିଛି। ସୂଚନାପ୍ରକାରେ ଜାଣିବାକୁ ମିଳିଛି ଯେ, ୨୨ତାରିଖ ମଧ୍ୟ ରାତ୍ରିରେ ସଦର ପୋଲିସ୍ ପେଟ୍ରୋଲିଂ କରିବା ସମୟରେ ବିଭିନ୍ନ ପ୍ରକାର ମରଣାନ୍ତକ ଅସ୍ତ୍ରଶସ୍ତ୍ର ଧରି ବାଲିପଡ଼ା ଗ୍ରାମ ନିକଟସ୍ଥ ବ୍ରହ୍ମପୁର-ଦିଗପହଣ୍ଡି ରାସ୍ତା (ଏସ୍ ଏଚ୍-୧୭) ରେ ଏସାର୍ ପେଟ୍ରୋଲ ପମ୍ପରେ ଡକାୟତି କରିବାକୁ ଉଦ୍ୟମ ଚଳାଇଥିବା ବେଳେ କୌଣସି ସୂତ୍ରରୁ ଖବର ପାଇ ବ୍ରହ୍ମପୁର ସଦର ଥାନା ପୋଲିସ୍ ତିନି ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଥିଲା । ଏବଂ ସେମାନଙ୍କ ଠାରୁ ଦୁଇଟି ଲୁହା ଖଣ୍ଡ, ଗୋଟିଏ ଲୁହା କଟର ବ୍ଲେଡ୍ ଜବତ କରିଥିଲା ।ତେବେ ଅଭିଯୁକ୍ତଙ୍କୁ ଅଧିକ ପଚରଉଚରା ପରେ ଜଣାପଡ଼ିଛି ଯେ, ଏକ ସପ୍ତାହ ପୂର୍ବରୁ ଦକ୍ଷିଣପୁର ସ୍ଥିତ ତ୍ରିଶକ୍ତି ଠାକୁରାଣୀ ମନ୍ଦିରରୁ ରୂପା ମୁକୁଟ ଓ ରୂପା ଜିଭ ଚୋରି କରିଥିବା ସ୍ବୀକାର କରିଛନ୍ତି । ତେବେ ସେମାନଙ୍କ ଠାରୁ ସମସ୍ତ ଚୋରି ସାମଗ୍ରୀ ଜବତ କରିବା ସହ ଥାନା କେସ୍ ନଂ ୨୫/୨୨ ପ୍ରକାରେ ୟୁ/ ଏସ୍ ୩୯୯/୪୦୨ ରୁଜୁ କରି ତଦନ୍ତ ଜାରି ରଖିଥିବା ବେଳେ ଗିରଫ ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ସଦର ଏସଡିପିଓ ଶିବ ଶଙ୍କର ମହାପାତ୍ର । ଏହି ଚଢ଼ାଉରେ ସଦର ଥାନା ଅଧିକାରୀ ମହେନ୍ଦ୍ର ସାହୁ ,ନିମଖଣ୍ଡି ଫାଣ୍ଡି ଅଧିକାରୀ ଜ୍ୟୋତିରଞ୍ଜନ ବେହେରା ,ସଦର ଏସ୍ ଆଇ ତନ୍ମୟ ରଞ୍ଜନ ମିଶ୍ର ଙ୍କ ସମେତ ସଦର ଥାନା ଓ ନିମଖଣ୍ଡି ଫାଣ୍ଡି ଟିମ୍ ପୋଲିସ ସାମିଲ ଥିଲେ ।

WhatsApp Image 2022 01 22 at 8.35.21 PM

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!
%d bloggers like this: