ପୂର୍ବତନ ଭାରତୀୟ କ୍ରିକେଟର ଏସ୍‌.ଆର ପାଟିଲଙ୍କ ପରଲୋକ

ମୁମ୍ବଇ୧୬/୯ : ଭାରତୀୟ କ୍ରିକେଟ ଦଳର ପୂର୍ବତନ ଅଲ୍‌ରାଉଣ୍ଡର ସଦାଶିବ ରାଉଜୀ ପାଟିଲ ମଙ୍ଗଳବାର ୮୬ ବର୍ଷ ବୟସରେ କୋହ୍ଲାପୁରସ୍ଥିତ ବାସଭବନରେ ଶେଷ ନିଶ୍ବାସ ତ୍ୟାଗ କରିଛନ୍ତି। ସ୍ବର୍ଗତ ପାଟିଲ ପତ୍ନୀ ଓ ଝିଅଙ୍କ ସହ କୋହ୍ଲାପୁରସ୍ଥିତ ବାସଭବନରେ ରହୁଥିଲେ। ୧୯୫୫ ମସିହାରେ ସଦାଶିବ ଭାରତ ପକ୍ଷରୁ ପ୍ରତିନିଧିତ୍ବ କରିବାର ସୁଯୋଗ ପାଇଥିଲେ। ନ୍ୟୁଜିଲାଣ୍ଡ ବିପକ୍ଷରେ ସେ ମାତ୍ର ଗୋଟିଏ ଟେଷ୍ଟ ମ୍ୟାଚ ଖେଳିଥିଲେ। ଉକ୍ତ ମ୍ୟାଚରେ ସଦାଶିବ ଓପନିଂ କରିବା ସହିତ ବୋଲିଂ ମଧ୍ୟ କରିଥିଲେ। ଉକ୍ତ ଟେଷ୍ଟ ମ୍ୟାଚ ପରେ ଆଉ ଭାରତ ପାଇଁ ଖେଳିବାର ସୁଯୋଗ ପାଇନଥିଲେ। ସ୍ବର୍ଗତ ପାଟିଲ ମହାରାଷ୍ଟ୍ର ପାଇଁ ୧୯୫୨ରୁ ୧୯୬୪ ପର୍ଯ୍ୟନ୍ତ ୩୬ଟି ପ୍ରଥମ ଶ୍ରେଣୀ ମ୍ୟାଚ ଖେଳି ୮୬୬ ରନ ଓ ୮୩ଟି ୱିକେଟ ମଧ୍ୟ ନେଇଥିଲେ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!