ବିଜେପି କାଉନସିଲରଙ୍କୁ ଗୁଳି କରି ହତ୍ୟା

ନୂଆଦିଲ୍ଲୀ,୦୩/୦୬: ଜମ୍ମୁ-କାଶ୍ମୀରର ତ୍ରାଲ ଅଞ୍ଚଳରେ ଆତଙ୍କବାଦୀ ବିଜେପି କାଉନସିଲରଙ୍କୁ ଗୁଳି କରି ହତ୍ୟା କରିଛନ୍ତି। ଆତଙ୍କବାଦୀମାନେ ରାକେଶ ପଣ୍ଡିତ ନାମକ କାଉନସଲରଙ୍କୁ ଗୁଳି କରି ହତ୍ୟା କରିଥିବା ଜଣାପଡିଛି ।   କାଉନସଲରଙ୍କୁ ୨ ପିଏସଓର ସୁରକ୍ଷା ଦ୍ୱାୟିତ୍ୱ ଦିଆଯାଇଥିଲା । କିନ୍ତୁ ସେ ବିନା ସୁରକ୍ଷାକର୍ମୀଙ୍କୁ ନେଇ ତ୍ରାଲ ଯିବାରୁ ଏପରି ଘଟଣା ଘଟିଗଲା । ତେବେ ଏହି ଘଟଣା ଏହି ଘଟଣା ବୁଧବାର ବିଳମ୍ବିତ ରାତ୍ରରେ ଘଟିଛି । ଦକ୍ଷିଣ କାଶ୍ମୀର ପୁଲଓ୍ୱାମର ତ୍ରାଲରେ ବିଜେପି ନେତା ରାକେଶଙ୍କୁ ଆତଙ୍କବାଦୀମାନେ ଗୁଳି ଚଳାଇଥିଲେ । ଏହାପରେ ରାକେଶଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ଚିକିତ୍ସାଧିନ ଅବସ୍ଥାରେ ସେ ପ୍ରାଣ ହରାଇଥିଲେ । ଘଟଣା ପରେ ପୋଲିସ ତଦନ୍ତ ଆରମ୍ଭ କରିବା ସହ ଆତଙ୍କବାଦୀଙ୍କୁ ଧରିବା ପାଇଁ ଚେଷ୍ଟା ଜାରି ରଖିଛି ।