ମଣିପୁର ନୋନି ଜିଲ୍ଲାରେ ଭୂସ୍ଖଳନ: ୨୩ ନିଖୋଜ

ଗୌହାଟୀ ,୩୦/୦୬ : ପଶ୍ଚିମ ମଣିପୁରର ନୋନୀ ଜିଲ୍ଲାରେ ହୋଇଥିବା ଭୂସ୍ଖଳନରେ ମୃତ୍ୟୁ ସଂଖ୍ୟା ୮ରେ ପହଞ୍ଚିଛି। ଏହା  ସହିତ ୧୩ ଜଣ ଆହତ ହୋଇଛନ୍ତି। ବୁଧବାର ରାତିରେ ତୁପୁଲ ୟାର୍ଡ ନିର୍ମାଣଧୀନ ରେଳବାଇ କ୍ୟାମ୍ପ ପାଖରେ ଏପରି ଦୁର୍ଘଟଣା ହୋଇଛି। ଏଥିରେ ମୃତ୍ୟୁବରଣ କରିଥିବା ଲୋକଙ୍କମଧ୍ୟରୁ ଅଧିକାଂଶ ଟେରିଟୋରିଆଲ ଆର୍ମିର ଯବାନ ଥିଲେ ବୋଲି ଜଣେ ଅଧିକାରୀ କହିଛନ୍ତି।  ଲଗାତର ବର୍ଷା ଯୋଗୁଁ ବୁଧବାର ବିଳମ୍ବିତ ରାତିରେ ନୋନି ଜିଲ୍ଲାର ତୁପୁଲ ୟାର୍ଡ ରେଲୱେ ଷ୍ଟେସନ କ୍ୟାମ୍ପ ନିକଟରେ ମୁତୟନ ଥିବା ୧୦୭ ବାଟାଲିୟନ ନିକଟରେ ଭୂସ୍ଖଳନ ହୋଇଛି। ଏଥିରେ ୮ଜଣ ଯବାନ ସହିଦ ହୋଇଛନ୍ତି। ଏହି ବାଟାଲିୟନର ଯବାନମାନେ ମଣିପୁରର ନୋନି ଜିଲ୍ଲାର ଟୁପୁଲ ରେଳ ଷ୍ଟେସନରେ ଇମ୍ଫାଲ ଜିରିବାମର ନିର୍ମାଣାଧୀନ ରେଳ ଲାଇନର ସୁରକ୍ଷାରେ ମୁତୟନ ଥିଲେ। ଭାରାତୀୟ ସେନା ଓ ଆସାମ ରାଇଫଲ୍ସ ଟିମ୍‌ ଦ୍ୱାରା ଜୋରସୋରରେ ଉଦ୍ଧାର କାର୍ଯ୍ୟ ଜାରି ରହିଛି। ଘଟଣାସ୍ଥଳରେ ଉପଲବ୍ଧ ଇଂଜିନିୟର ପ୍ଲାଣ୍ଟ ଉପକରଣକୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି। ଗୁରୁବାର ଭୋର ସାଢ଼େ ପାଞ୍ଚଟାରେ ଭୁସ୍ଖଳନ ଯୋଗୁ ଫସି ରହିଥିବା ୧୩ ଜଣଙ୍କୁ ଉଦ୍ଧାର କରାଯାଇଥିଲା। ଆହତଙ୍କୁ ଚିକିତ୍ସା ପାଇଁ ସେନା ମେଡିକାଲରେ ଭର୍ତ୍ତି କରାଯାଇଛି।ସେପଟେ ଏହି ଭୂସ୍ଖଳନ ଯୋଗୁ ଇଜାଇ ନଦୀ ପ୍ରଭାବିତ ହୋଇଛି। ମାଟି ଧସି ନଦୀରେ ମିଶିଛି। ଫଳରେ ନଦୀର ଜଳସ୍ତର ବଢ଼ି ବନ୍ୟା ଆସିବା ଆଶଙ୍କା ରହିଛି। ସେପଟେ ଭୂସ୍ଖଳନ ଓ ଖରାପ ପାଣିପାଗ ଯୋଗୁ ଉଦ୍ଧାର କାର୍ଯ୍ୟ ମଧ୍ୟ ବାଧାପ୍ରାପ୍ତ ହୋଇଛି। ତଥାପି ନିଖୋଜ ଯବାନଙ୍କ ଖୋଜା ଚାଲିଛି। ହେଲିକପ୍ଟରକୁ ଷ୍ଟାଣ୍ଡବାଏରେ ରଖାଯାଇଛି। ପାଗ ସଫା ହେବା ପରେ ଉକ୍ତ ହେଲିକପ୍ଟରକୁ ଏହି ଅପରେସନରେ ସାମିଲ କରାଯିବ। ଆମ୍ବୁଲାନ୍ସ ସମେତ ଡାକ୍ତରଙ୍କ ଏକ ଟିମ୍‌ ମଧ୍ୟ ଘଟଣାସ୍ଥଳରେ ଉପସ୍ଥିତ ଅଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!
%d bloggers like this: