ସାନ୍ତସାହି ସରସ୍ୱତୀ ଶିଶୁବିଦ୍ୟା ମନ୍ଦିରରେ ମାଟ୍ରିକପରୀକ୍ଷାର ଟପରଙ୍କୁ ସମ୍ବର୍ଦ୍ଧନା

କେନ୍ଦ୍ରାପଡା,୩୧/୭(ଓଡ଼ିଆନ୍‌ ମିଡ଼ିଆ‌)- କେନ୍ଦ୍ରାପଡା ସହରର ସାନ୍ତସାହିସ୍ଥିତ ସରସ୍ୱତୀ ଶିଶୁବିଦ୍ୟାମନ୍ଦିର ପକ୍ଷରୁ ଚଳିତବର୍ଷ ସେହି ବିଦ୍ୟାମନ୍ଦିରର ମାଟ୍ରିକ ପରୀକ୍ଷାରେ ଟପର ହୋଇଥିବା ଛାତ୍ରଛାତ୍ରୀମାନଙ୍କୁ କୋଭିଡ-୧୯ ନିୟମ ପାଳନ ପୂର୍ବକ ସମ୍ବର୍ଦ୍ଧିତ କରାଯାଇଛି । ଏହି ଉପଲକ୍ଷେ ବିଦ୍ୟାମନ୍ଦିର ପରିଚାଳନା ସମିତି ସଭାପତି ଦୈତାରୀ ପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ବିଦ୍ୟାମନ୍ଦିରର ଛାତ୍ର ଦେବାଶିଷ ଦାଶ ୫୬୦ନମ୍ବର ରଖି ଏ-୧ ଗ୍ରେଡରେ ଟପର ହୋଇଥିବାରୁ ତାଙ୍କୁ ଶିଶୁବିଦ୍ୟାମନ୍ଦିର ପକ୍ଷରୁ ପୁଷ୍ପଗୁଛ ଓ ଉତ୍ତରୀୟ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ଶିଶୁବିଦ୍ୟାମନ୍ଦିର ପରିଚାଳନା ସମିତିର ପୂର୍ବତନ ସଭାପତି ସୂର୍ଗତ ଅନଙ୍ଗ କୁମାର ସାହୁଙ୍କ ସ୍ମୃତିରେ ୫ହଜାର ଟଙ୍କାର ଏକ ଚେକ ତାଙ୍କ ପୁତ୍ର ବିଦ୍ୟାମନ୍ଦିରର ଟପର ହୋଇଥିବା ଛାତ୍ର ଦେବାଶିଷଙ୍କୁ ପ୍ରଦାନ କରିଥିଲେ । ଏଥିସହିତ ପ୍ରତ୍ୟେକ ବର୍ଷ ବିଦ୍ୟାମନ୍ଦିରର ମାଟ୍ରିକ ପରୀକ୍ଷାରେ ଟପର ହେଉଥିବା ଛାତ୍ରଛାତ୍ରୀମାନଙ୍କୁ ଏଭଳି ପୁରସ୍କାର ପ୍ରଦାନ କରାଯିବ ବୋଲି ତାଙ୍କପୁତ୍ର କହିଛନ୍ତି । ଏହି ଅବସରରେ ବିଦ୍ୟାମନ୍ଦିରର ଏ-୧ ଓ ଏ-୨ ଗ୍ରେଡରେ ପାସ କରିଥିବା ୨୪ଜଣ ଛାତ୍ରଛାତ୍ରୀଙ୍କୁ ମଧ୍ୟ ପୁଷ୍ପଗୁଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଏହି ସଭାରେ ବିଦ୍ୟାମନ୍ଦିର ପରିଚାଳନା ସମିତିର ସାଧାରଣ ସମ୍ପାଦକ ସୁବାଷ ଚନ୍ଦ୍ର ପାତ୍ର, ସହସମ୍ପାଦକ ନୃସିଂହ ପ୍ରସାଦ ପତ୍ରୀ, କୋଷାଧ୍ୟକ୍ଷ ଗୀରିଶ ଚନ୍ଦ୍ର କର, ପ୍ରଧାନ ଆଚାର୍ଯ୍ୟ ଉମେଶ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ଥିଲେ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!
%d bloggers like this: