47

ଓଡ଼ିଶାରେ ନିର୍ମାଣ ହେବ ପେଟ୍ରୋଲିୟମ ଭଣ୍ଡାର

ନୂଆଦିଲ୍ଲୀ,୨୪/୭: ଦେଶରେ ବର୍ତ୍ତମାନ ପେଟ୍ରୋଲ-ଡିଜେଲର ମୂଲ୍ୟ ବୃଦ୍ଧିକୁ ନେଇ  ସମସ୍ୟା ଜାରି ରହିଛି । ତେବେ ଇତିମଧ୍ୟରେ କେନ୍ଦ୍ର ସରକାରଙ୍କ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଦେଶର ଷ୍ଟ୍ରାଟେଜିକ ପେଟ୍ରାଲିୟମ ରିଜର୍ଭ (ଏସପିଆର) ଏଣିକି ପ୍ରାଇଭେଣ୍ଡ କମ୍ପାନୀ ହାତକୁ ଚାଲିଯିବ ବୋଲି କେନ୍ଦ୍ର ସରକାର ନିଷ୍ପତ୍ତି ନେଇଥିବା ଜଣାପଡ଼ିଛି । ଦେଶରେ ଗଚ୍ଛିତ ସମୁଦାୟ ଏସପିଆରର ଅଧା କ୍ଷମତା ଏଣିକି ପ୍ରାଇଭେଟ୍ କମ୍ପାନୀ ହାତରେ ରହିବ ବୋଲି ମନ୍ତ୍ରିମଣ୍ଡଳ ନିଷ୍ପତ୍ତି ନେଇଛି । ତେବେ କମ୍ପାନୀମାନଙ୍କୁ ଏସପିଆରରର ଅଧା ଅଂଶ ଲିଜ୍ ସୂତ୍ରରେ ଦିଆଯିବ ବୋଲି କୁହାଯାଇଛି । ସଂପ୍ରତି ଭାରତ ନିଜର ଆବଶ୍ୟକତାର ୮୦ ପ୍ରତିଶତ ତୈଳ ଆମଦାନୀ କରୁଛି । ଭାରତ ବର୍ତ୍ତମାନ ବିଶ୍ୱର ତୃତୀୟ ବୃହତ୍ତମ ତୈଳ ଆମଦାନୀକାରୀ ଓ ଉପଭୋକ୍ତା ଅଟେ । ତେବେ ଦକ୍ଷିଣ ଭାରତରେ ତିନୋଟି ସ୍ଥାନରେ ଏସପିଆର ନିର୍ମାଣ କରାଯାଉଛି, ଯେଉଁଠାରେ ୫୦ ଲକ୍ଷ ଟନ ପର୍ଯ୍ୟନ୍ତ ଅଶୋଧିତ ତୈଳ ମହଜୁଦ କରାଯାଇପାରିବ । କଠିନ ପରିସ୍ଥିତିରେ ଦେଶର ଆବଶ୍ୟକତାକୁ ଭରଣା କରିବା ଉଦ୍ଦେଶ୍ୟରେ ସରକାର ଏସପିଆର ନିର୍ମାଣ କରିଛନ୍ତି ।ତେବେ ସୂଚନା ମୁତାବକ, କେନ୍ଦ୍ର ସରକାର ଆଗାମୀ ଦିନରେ ଓଡ଼ିଶାର ଚଣ୍ଡିଖୋଲ ଓ କର୍ଣ୍ଣାଟକର ପାଦୁରରେ ଏସପିଆର ନିର୍ମାରଣ ପାଇଁ ଯୋଜନା କରୁଛନ୍ତି । ଏହାଦ୍ୱାରା ଜରୁରୀ ସମୟରେ ୧୨ ଦିନ ପର୍ଯ୍ୟନ୍ତ ଅଶୋଧିତ ତୈଳ ଉପଲବ୍ଧ ହେବ । ଚଳିତ ମାସରେ କ୍ୟାବିନେଟ ବୈଠକରେ ଦୁଇଟି ଏସପିଆର ନିର୍ମାଣ ପାଇଁ ସରକାର ୮ ହଜାର କୋଟି ଟଙ୍କା ପ୍ରଦାନ କରିବାକୁ ଘୋଷଣା କରିଛନ୍ତି । ତେବେ ଦେଶରେ ଏସପିଆର ନିର୍ମାଣର ଦାୟିତ୍ୱ ଇଣ୍ଡିଆନ ଷ୍ଟ୍ରାଟେଜିକ ପେଟ୍ରୋଲିୟମ ରିଜର୍ଭ ଲିମିଟେଡ (ଆଇଏସପିଆରଏଲ)କୁ ଦିଆଯିବା ସହ ଏହି କମ୍ପାନୀ ୧୦ ଲକ୍ଷ ଟନ ପର୍ଯ୍ୟନ୍ତ ଅଶୋଧିତ ତୈଳ ଘରୋଇ କମ୍ପାନୀକୁ ବିକ୍ରି କରିବାକୁ ଅନୁମତି ଦିଆଯାଇଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

SUPPORT US

Spread the love
error: Content is protected !!