ଯାଜପୁର ,୨୧।୩: ଯାଜପୁର ଜିଲା କଳିଙ୍ଗନଗରରେ ଥିବା ଟାଟା ଷ୍ଟିଲ କାରଖାନାରେ ଅଘଟଣ ଘଟିଛି। ଶୁକ୍ରବାର କାରଖାନାର ଷ୍ଟିଲ ମେଲଟିଂ ସପ୍ରେ ବିସ୍ଫୋରଣ ଘଟିବାରୁ ୮ରୁ ଅଧିକ ଶ୍ରମିକ ଗୁରୁତର ଆହତ ହୋଇଛନ୍ତି। କାରଖାନାର SMS (ଷ୍ଟିଲ୍ ମେଲଟିଂ ସପ୍) ସାଇଡ଼ରେ ଦୁର୍ଘଟଣା ଘଟିଛି । ଆହତ ମାନଙ୍କୁ ସ୍ଥାନୀୟ ଟାଟା ଷ୍ଟିଲ ମେଡିକା ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଦୁର୍ଘଟଣାର କାରଣ ଅସ୍ପଷ୍ଟ ଥିବାବେଳେ କାରଖାନା କର୍ତ୍ତୃପକ୍ଷ ଓ ପୋଲିସ ଦ୍ବାରା ଅନୁସନ୍ଧାନ ଜାରି ରଖିଛି । ଶୁକ୍ରବାର ମଧ୍ୟାହ୍ନ ସମୟରେ କାରଖାନାର SMS ସାଇଡ଼ରେ ହଠାତ୍ ବ୍ଲାଷ୍ଟ ହୋଇଥିଲା । ଫଳରେ ସେଠାରେ କାମ କରୁଥିବା ୫ରୁ ଉର୍ଦ୍ଧ୍ବ କର୍ମଚାରୀ ପୋଡ଼ି ହୋଇ ଆହତ ହୋଇଥିଲେ । ସଙ୍ଗେ ସଙ୍ଗେ ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଟାଟା ଷ୍ଟିଲ ମେଡିକା ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ସେଠାରେ ସମସ୍ତ ଆହତ କର୍ମଚାରୀ ମାନଙ୍କ ଚିକିତ୍ସା ଜାରି ରହିଛି । ତେବେ ତରଳ ଷ୍ଟିଲରେ ପାଣି ପଡ଼ିବାରୁ ଏହି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |