ଆଜି ରାମ ନବମୀ , ଚଳଚଞ୍ଚଳ ଅଯୋଧ୍ୟା ନଗରୀ

ଅଯୋଧ୍ୟା ,୧୭।୪: ଆଜି  ପବିତ୍ର ରାମନବମୀ ଅବସରରେ ସଜେଇ ହୋଇଛି ସମଗ୍ର ଅଯୋଧ୍ୟା ନଗରୀ। ରାମନଗରୀରେ ଭଗବାନ ଶ୍ରୀରାମଙ୍କ ଜନ୍ମ ଦିବସକୁ ଧୁମଧାମରେ ପାଳନ କରାଯାଉଛି।  ପବିତ୍ର ରାମନବମୀ ଅବସରରେ ଅଯୋଧ୍ୟା ଚଳଚଞ୍ଚଳ ହୋଇ ଉଠିଛି । ବାଲକରାମଙ୍କ ପ୍ରାଣ ପ୍ରତିଷ୍ଠା ପରେ ପ୍ରଥମ ଥର ଲାଗି ରାମ ନବମୀ ପାଳନ କରାଯାଉଛି।ନବନିର୍ମିତ ରାମମନ୍ଦିରରେ ପ୍ରଥମ ଥର ପାଇଁ ପାଳନ ହେଉଛି । ଗର୍ଭଗୃହରେ ଦିବ୍ୟ ରୂପରେ ବାଲକ୍ ରାମ ଝଲସିବେ ବୁଧବାର ମଧ୍ୟାହ୍ନ ୧୨ଟା ସମୟରେ ବାଲକ୍ ରାମ ସୂର୍ଯ୍ୟ ତିଲକରେ ଅଭିଷିକ୍ତ ହେବେ । ୪ ମିନିଟ ପର୍ଯ୍ୟନ୍ତ ସୂର୍ଯ୍ୟ କିରଣରେ ଝଲସିବ ଶ୍ରୀବିଗ୍ରହଙ୍କର ମସ୍ତକରେ ଶୋଭିତ ହୀରା ଓ ମାଣିକ୍ୟ । ଅଯୋଧ୍ୟା ରାମମନ୍ଦିର ଗର୍ଭଗୃହକୁ ସୂର୍ଯ୍ୟଦେବ ଓହ୍ଲାଇ ଆସିବେ । ରାମ ନବମୀରେ ବାଲକ ରାମଙ୍କ ସୂର୍ଯ୍ୟ ତିଳକ କରିବେ ।ଦେଶର ବିଭିନ୍ନ ସ୍ଥାନରୁ ଲକ୍ଷଲକ୍ଷ ଭକ୍ତ ଏଠାରେ ପହଂଚିିଛନ୍ତି। ସମସ୍ତ ଭକ୍ତମାନେ କିଭଳି ଶୃଙ୍ଖଳିତ ଭାବେ ଦର୍ଶନ କରିପାରିବେ ସେଥିପାଇଁ ସ୍ୱତନ୍ତ୍ର ଆୟୋଜନ କରାଯାଇଛି। ପୁରା ମନ୍ଦିର ପରିସରକୁ ସୁନ୍ଦର ଆଲୋକ ସହିତ ଫୁଲ ମାଳାରେ ସଜେଇ ଦିଆଯାଇଛି। ଏହାସହିତ ଦର୍ଶନ ସମୟକୁ ମଧ୍ୟ ବଢାଇ ଦିଆଯାଇଛି। ସୂର୍ଯ୍ୟତିଲକ ପାଇଁ ସ୍ୱତନ୍ତ୍ର ପ୍ରସ୍ତୁତି କରାଯାଇଛି।   ମନ୍ଦିର ପରିସରରେ ଭକ୍ତଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ପ୍ରବଳ ଗରମ ଗୁଳୁଗୁଳି ଯୋଗୁ ଭକ୍ତଙ୍କ ପାଇଁ ଶୁଦ୍ଧ ପାନୀୟ ଜଳର ବ୍ୟବସ୍ଥା ହୋଇଛି। ମଧ୍ୟାହ୍ନ ୧୨ଟା ସମୟରେ ରାମଲାଲାଙ୍କ ଜନ୍ମ ବାର୍ଷିକୀ ପାଳନ କରାଯିବ। ଜନ୍ମ ଦିବସ ଅବସରରେ ସୂର୍ଯ୍ୟ ଭଗବାନ ପ୍ରଭୁ ରାମଙ୍କ ତିଲକ କରିବାକୁ ଯାଉଛନ୍ତି।ରାମ ନବମୀ ଅବସରରେ ସୂର୍ଯ୍ୟତିଲକ ବୈଜ୍ଞାନିକ ପ୍ରକ୍ରିୟା ମାଧ୍ୟାମରେ ପ୍ରସ୍ତୁତ ହେବ। ତୃତୀୟ ମହଲାରେ ସ୍ଥାପିତ ଏକ ଦର୍ପଣ ଉପରେ ସୂର୍ଯ୍ୟକିରଣ ପଡିବ। ଏଠାରୁ ପ୍ରତିଫଳିତ ହେବ ଏବଂ ପିତ୍ତଳ ପାଇପରେ ସ୍ଥାପିତ ଦ୍ୱିତୀୟ ଦର୍ପଣରେ ସୂର୍ଯ୍ୟକିରଣ ପଡି ଏହା ୯୦ ଡିଗ୍ରୀରେ ପ୍ରତିଫଳିତ ହେବ। କିରଣ ପିତ୍ତଳ ପାଇପ ଏବଂ ତିନୋଟି ଭିନ୍ନ ଲେନ୍ସ ଦେଇ ଯିବ। ଅଭୟାରଣ୍ୟରେ ସ୍ଥାପିତ ଦର୍ପଣକୁ ଧକ୍କା ଦେବା ପରେ ରଶ୍ମୀ ରାମଲାଲାଙ୍କ କପାଳରେ ସିଧାସଳଖ ପଡିବା ଦ୍ୱାରା ୭୫ ମିଲିମିଟର ବୃତ୍ତାକାର ତିଲକ ସୃଷ୍ଟି କରିବ।