ନୂଆଦିଲ୍ଲୀ,୩।୬: ପାକିସ୍ତାନ ପାଇଁ ଗୁଇନ୍ଦାଗିରି ଅଭିଯୋଗରେ ଜଣେ ଟ୍ରାଭେଲ ଭ୍ଲଗରଙ୍କ ଗିରଫ ପରେ କିଛି ସପ୍ତାହ ପରେ, ପଞ୍ଜାବ ପୋଲିସ ଆଉ ଜଣେ ୟୁଟ୍ୟୁବର ସହ ଜଡ଼ିତ ଏକ ଗୁଇନ୍ଦା ନେଟୱାର୍କ ଉଦ୍ଘାଟନ କରିଛି। ଜସବୀର ସିଂ ନାମକ ଏହି ୟୁଟ୍ୟୁବର ‘ଜାନମହଲ ଭିଡିଓ’ ନାମକ ଏକ ଚ୍ୟାନେଲ ଚଳାପଞ୍ଜାବର ଡାଇରେକ୍ଟର ଜେନେରାଲ ଅଫ ପୋଲିସ (ଡିଜିପି) ଗୌରବ ଯାଦବଙ୍କ ଅନୁସାରେ, ଜସବୀର ସିଂ ପାକିସ୍ତାନର ଇଣ୍ଟର-ସର୍ଭିସେସ ଇଣ୍ଟେଲିଜେନ୍ସ (ଆଇଏସଆଇ)ର ଜଣେ ଅଧିକାରୀ ଶାକିର, ଯିଏ ଜୁଟ୍ ରନ୍ଧାୱା ନାମରେ ମଧ୍ୟ ପରିଚିତ, ସହ ଯୋଗାଯୋଗରେ ଥିଲେ। ଶାକିର ଏକ ଆତଙ୍କବାଦୀ ସମର୍ଥିତ ଗୁଇନ୍ଦା ନେଟୱାର୍କର ଅଂଶ ଥିଲେ।ଅଭିଯୁକ୍ତ ଜସବୀର ସିଂଙ୍କର ହରିଆଣାର ୟୁଟ୍ୟୁବର ଜ୍ୟୋତି ମଲହୋତ୍ରା ସହ ଘନିଷ୍ଠ ସମ୍ପର୍କ ଥିଲା, ଯିଏ ମେ 15ରେ ଗିରଫ ହୋଇଥିଲେ। ଏହା ସହ ସେ ଏହସାନ-ଉର-ରହିମ ଉର୍ଫ ଡାନିଶ, ଜଣେ ପାକିସ୍ତାନୀ ନାଗରିକ ତଥା ପାକିସ୍ତାନ ହାଇ କମିଶନ ଅଧିକାରୀଙ୍କ ସହ ମଧ୍ୟ ସମ୍ପର୍କରେ ଥିଲେ, ଯିଏ ଦେଶରୁ ବହିଷ୍କୃତ ହୋଇଥିଲେ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |