ଆଦିଲ୍ଲୀ,୯।୧୧: ରାଜଧାନୀ ଦିଲ୍ଲୀରେ ବଢୁଥିବା କୁହୁଡ଼ି ଏବଂ ଥଣ୍ଡା ମଧ୍ୟରେ, ରବିବାର ସକାଳେ ସର୍ବନିମ୍ନ ତାପମାତ୍ରା ହ୍ରାସ ପାଇବା ଜାରି ରହିଛି। ପାଣିପାଗ ବିଭାଗ ଅନୁଯାୟୀ, ଥଣ୍ଡା ଆହୁରି ବଢ଼ିବ ଏବଂ ତାପମାତ୍ରା ଆହୁରି ହ୍ରାସ ପାଇବ।ଦିଲ୍ଲୀର ବାୟୁମଣ୍ଡଳ ଦିନକୁ ଦିନ ଖରାପ ହେବାରେ ଲାଗିଛି। ଶନିବାର ସହରର ଏକ୍ୟୁଆଇ (ବାୟୁ ମାନ ସୂଚକାଙ୍କ) ୪୦୦ ଅତିକ୍ରମ କରିଥିବାବେଳେ ପ୍ରଦୂଷଣ ସ୍ଥିତି ସାଂଘାତିକବର୍ଗରେ ପ୍ରବେଶ କରିଛି। ଦିଲ୍ଲୀର ଏକାଧିକ ଅଞ୍ଚଳକୁ ରେଡ୍ ଜୋନ ଘୋଷଣା କରାଯାଇଛି। କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ରିପୋର୍ଟ ଅନୁଯାୟୀ ଶନିବାର ଦିଲ୍ଲୀ ଦେଶର ସବୁଠାରୁ ପ୍ରଦୂଷିତ ସହର ଭାବେ ମାନ୍ୟତାଲାଭ କରିଛି। ଦିଲ୍ଲୀର ଅଲୀପୁରରେ ଏକ୍ୟୁଆଇ ୪୦୪ ରେକର୍ଡ କରାଯାଇଥିବାବେଳେ ଆଇଟିଓରେ ୪୦୨, ନେେହରୁ ନଗରରେ ୪୦୬, ବିବେକ ବିହାରରେ ୪୧୧, ୱାଜିରପୁରରେ ୪୨୦ ଓ ବୁରାରିରେ ୪୧୮ ରେକର୍ଡ କରାଯାଇଛି।ଏନ୍ସିଆର (ନ୍ୟାସନାଲ କ୍ୟାପିଟାଲ ରିଜିଅନ) ମଧ୍ୟ ପ୍ରଦୂଷଣ ବଳୟରୁ ବର୍ତ୍ତି ପାରୁନାହିଁ। ଶନିବାର ନୋଏଡାରେ ଏକ୍ୟୁଆଇ ୩୫୪ ରେକର୍ଡ କରାଯାଇଥିବାବେଳେ ଗ୍ରେଟର ନୋଏଡାରେ ୩୩୬, ଗାଜିଆବାଦରେ ୩୩୯ ରହିଥିଲା। ଆଗାମୀ କିଛି ଦିନ ଦିଲ୍ଲୀର ଆକାଶ ଅତ୍ୟନ୍ତ ଖରାପ ରହିବ ବୋଲି ପାଣିପାଗ କାର୍ଯ୍ୟାଳୟ ପକ୍ଷରୁ କୁହାଯାଇଛି। ଦୀପାବଳି ପରଠାରୁ ଦିଲ୍ଲୀରେ ପ୍ରଦୂଷଣ ସ୍ଥିତି ଜଟିଳ ହେବାରେ ଲାଗିଛି। ବିଶୁଦ୍ଧ ବାୟୁ ପାଇବାକୁ ଲୋକେ ଘରେ ଏୟାର ପ୍ୟୁରିଫାୟର ବ୍ୟବହାର କରିବାକୁ ବାଧ୍ୟ ହେଉଛନ୍ତି। ବିଶ୍ବ ସ୍ବାସ୍ଥ୍ୟ ସଂଗଠନର ମାନଦଣ୍ଡ ଅନୁଯାୟୀ ୦-୫୦ ଏକ୍ୟୁଆଇକୁ ଉତ୍ତମ, ୫୧-୧୦୦ ଏକ୍ୟୁଆଇକୁ ସନ୍ତୋଷଜନକ, ୧୦୧-୨୦୦ ଏକ୍ୟୁଆଇକୁ ସ୍ବାଭାବିକ, ୨୦୧-୩୦୦ ଏକ୍ୟୁଆଇକୁ ଖରାପ, ୩୦୧-୪୦୦ ଏକ୍ୟୁଆଇକୁ ଅତ୍ୟନ୍ତ ଖରାପ ଏବଂ ୪୦୧-୫୦୦ ଏକ୍ୟୁଆଇକୁ ସାଂଘାତିକ ବୋଲି ଦର୍ଶାଯାଇଛି।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |