ନୂଆଦିଲ୍ଲୀ,୧୯।୯:ମହିଳା ସଂରକ୍ଷଣ ବିଲ୍କୁ ଆଜି ଲୋକସଭାରେ ଆଗତ କରିଛନ୍ତି କେନ୍ଦ୍ର ସରକାର। ଆଜି ପବିତ୍ର ଗଣେଶ ପୂଜାରେ ସଂସଦର ସ୍ୱତନ୍ତ୍ର ଅଧିବେଶନ ନୂଆ ବିଲଡିଂରେ ଆରମ୍ଭ ହୋଇଛି। ଏହି ସମୟରେ କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ରାମ ମେଘୱାଲ ଲୋକସଭାରେ ମହିଳା ସଂରକ୍ଷଣ ବିଲ୍କୁ ଆଗତ କରିଛନ୍ତି। ମହିଳାମାନଙ୍କୁ ଉଭୟ ଲୋକସଭା ଓ ରାଜ୍ୟ ବିଧାନସଭାରେ ୩୩% ସଂରକ୍ଷଣ ଦେବାକୁ ଏହି ବିଲ୍ରେ ବ୍ୟବସ୍ଥା ହୋଇଥିବା ଜଣାପଡ଼ିଛି।ଲୋକସଭାରେ ଆଗତ ହେଲା “ନାରୀଶକ୍ତି ବନ୍ଦନ ଅଧିନିୟମ” । ମହିଳା ସଂରକ୍ଷଣ ବିଲ୍ ଆଗତ କଲେ କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ୍ ରାମ ମେଘୱାଲ୍ । ବିଲ୍ ପାସ ହେଲେ ସଂସଦ ଓ ବିଧାନସଭାରେ ମହିଳାଙ୍କୁ ମିଳିବ 33 ପ୍ରତିଶତ ସଂରକ୍ଷଣ ।ସେହିପରି ଆଜି କେନ୍ଦ୍ର ସରକାର ଆଣିଥିବା ବିଲ୍ ବିରୋଧୀଙ୍କ ପାଖରେ ପହଞ୍ଚି ନଥିବାରୁ ସେମାନେ ଆପତ୍ତି ଉଠାଇଥିଲେ। କିନ୍ତୁ ଏହା ଇଣ୍ଟରନେଟରେ ଅପଲୋଡ ହୋଇ ସାରିଥିବା ସରକାର କହିଥିଲେ। ଆଜି ଲୋକସଭାରେ ବିଲ୍ ଆଗତ ହୋଇଥିବା ବେଳେ ଏହା ଉପରେ ବିତର୍କ ଆସନ୍ତାକାଲି ହେବ। ବିଲ୍ ଆଗତ ହେବା ପରେ ଲୋକସଭାକୁ ଆସନ୍ତାକାଲି ଯାଏ ମୁଲତବୀ ରଖାଯାଇଛି। ବିଲ୍କୁ ସର୍ବସମ୍ମତିକ୍ରମେ ଉଭୟ ଲୋକସଭା ଓ ରାଜ୍ୟସଭାରେ ପାରିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁ ଦଳର ସଦସ୍ୟଙ୍କୁ ଅନୁରୋଧ କରିଛନ୍ତି। ସେ କହିଛନ୍ତି, ମହିଳା ସଂରକ୍ଷଣ ବିଲ ପାରିତ କରିବାକୁ ଭଗବାନ ମୋତେ ଦାୟିତ୍ୱ ଦେଇଛନ୍ତି।ନାରୀ ଶକ୍ତି ବନ୍ଦନ ଅଧିନିୟମ ବଳରେ ଅଧିକରୁ ଅଧିକ ମହିଳା ଲୋକସଭା ଓ ବିଧାନସଭାର ସଦସ୍ୟ ହୋଇପାରିବେ। ଦେଶର ବିକାଶରେ ଅଧିକରୁ ଅଧିକ ମହିଳା ସାମିଲ ହୁଅନ୍ତୁ ବୋଲି ଆମେ ଚାହୁଁଛୁ। ମହିଳା ନେତୃତ୍ୱାଧୀନ ଦେଶର ବିକାଶକୁ ପୂରା ବିଶ୍ୱ ସ୍ୱୀକୃତି ଦେଇଛି ବୋଲି ସେ କହିଛନ୍ତି।
ବ
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |