ନବରଙ୍ଗପୁର ମହାବିଦ୍ୟାଳୟ ରେ ଜାତୀୟ ସେବା ଯୋଜନା ଦିବସ ପାଳିତ

ନବରଙ୍ଗପୁର( ମିହିର ଶଙ୍କର ପାତ୍ର),୨୫।୯:ଜାତୀୟ ସେବା ଯୋଜନା- ୟୁନିଟ 2 ତରଫରୁ ନବରଙ୍ଗପୁର ମହାବିଦ୍ୟାଳୟ ରେ ଜାତୀୟ ସେବା ଯୋଜନା ସ୍ଥାପନା ଦିବସ ମହା ସମାହାର ରେ ପାଳିତ ହୋଇଯାଇଛି। ସ୍ଵଚ୍ଛତା ହିଁ ସେବା କୁ ମୂଳ ଆଧାର ଭାବେ ଗ୍ରହଣ କରି ମହାବିଦ୍ୟାଳୟ ର ସ୍ବେଛାସେବୀ ଗଣ ଏହି କାର୍ଯ୍ୟକ୍ରମକୁ ଆଗେଇ ନେଇଥିଲେ। ପ୍ରଥମେ ଅତିଥି ମାନଙ୍କ ସମ୍ଭାଷଣ ପରେ ସ୍ବେଛାସେବୀ ବୈଶାଳୀ ସାହୁ, ଇପ୍ସିତା ଦାଶ ଓ ମନୀଷା ପଣ୍ଡା ସ୍ଵଚ୍ଛତା ସନ୍ଦର୍ଭ ମାନ ଉପସ୍ଥାପନା କରିଥିଲେ। କାର୍ଯ୍ୟକ୍ରମ ଅଧିକାରୀ ଶ୍ରୀମତୀ ମାନସୀ ମହାପାତ୍ର ମାଇଁ ଭାରତ ପୋର୍ଟାଲ ରେ ଯୁବ ଗୋଷ୍ଠୀ କିପରି ନିଜର ଆକାଉଣ୍ଟ ଖୋଲି ସମାଜ ପାଇଁ କରୁଥିବା ସେବା ର କାର୍ଯ୍ୟାବଳୀ ପ୍ରଦର୍ଶନ କରିପାରିବେ ତାହା ପ୍ରୋଜେକ୍ଟର୍ ମାଧ୍ୟମ ରେ ବୁଝାଇଥିଲେ। ମହାବିଦ୍ୟାଳୟ ର କାର୍ଯ୍ୟରତ ଅଧ୍ୟକ୍ଷା ଶ୍ରୀମତୀ ସଙ୍ଗୀତା ତ୍ରୀପାଠୀ ଜୀବନ ରେ ସମାଜ ଏବଂ ମହାବିଦ୍ୟାଳୟ ପ୍ରତି ସ୍ବେଛାସେବୀ ଙ୍କ କର୍ତ୍ତବ୍ୟ ବ୍ୟାଖ୍ୟା କରିଥିଲେ। ଇତ୍ୟବସରରେ ଅର୍ଥନୀତି ବିଭାଗ ର ବିଭାଗୀୟ ମୁଖ୍ୟ ତଥା ପୁର୍ବତନ ଜିଲ୍ଲା କାର୍ଯ୍ୟକ୍ରମ ଅଧିକାରୀ ଶ୍ରୀ ଦିଲୀପ କୁମାର ହୋତା ସ୍ବେଛାସେବୀ ମାନଙ୍କୁ ସ୍ୱେଚ୍ଛା ମୂଳକ ସେବା ର ମହତ୍ତ୍ଵ ବୁଝାଇଥିଲେ। ଉଦ୍ଭିଦ ବିଜ୍ଞାନ ର ବିଭାଗୀୟ ମୁଖ୍ୟ ଶ୍ରୀମତୀ ଭାନୁମତୀ ସାହୁକାର ସ୍ଵଚ୍ଛତା ମାଧ୍ୟମରେ ପର୍ୟାବରଣ ର ସୁରକ୍ଷା ବିଷୟ ରେ ଅନେକ ତଥ୍ୟ ଉପସ୍ଥାପନ କରିଥିଲେ। ଇଂରାଜୀ ବିଭାଗ ର ଅଧ୍ୟପିକା ଶ୍ରୀମତୀ ସଂଯୁକ୍ତା ପାଙ୍ଗି ସମାଜ ର ସେବା ଉଦ୍ଦେଶ୍ୟ ରେ ସଦା ସର୍ବଦା ତତ୍ପର ରହିବାକୁ ସ୍ବେଛାସେବୀ ମାନଙ୍କୁ ଉପଦେଶ ଦେଇଥିଲେ। ଓଡିଆ ବିଭାଗ ର ଅଧ୍ୟାପିକା ଶ୍ରୀମତୀ ଶ୍ରୀୟା ତ୍ରୀପାଠୀ ସେବା କ୍ଷେତ୍ର ରେ ନିୟୋଜିତ କରି କିପରି ନିଜର ବଳିଷ୍ଠ ବ୍ୟକ୍ତିତ୍ଵ ପରିପ୍ରକାଶ କରିହେବ ତାହା ବୁଝାଇଥିଲେ। ଯୁବ ରେଡକ୍ରସ୍ ସଂସ୍ଥା ର କାଉନସିଲର ତଥା ରାଜନୀତି ବିଭାଗ ବିଭାଗୀୟ ମୁଖ୍ୟ ଅଧ୍ୟାପିକା ନିର୍ମଳା ହିକ୍କକା ସ୍ବେଛାସେବୀ ଙ୍କ ସେବା କାର୍ଯ୍ଯ ର ପ୍ରଶଂସା କରି ସେମାନଙ୍କ ମନୋବଳ ଦୃଢ଼ କରିଥିଲେ । ଏହାପରେ ବିଭିନ୍ନ ସଫଳ କାର୍ଯ୍ୟାବଳୀ ପାଇଁ କୃତିତ୍ୱ ଲାଭ କରିଥିବା ସ୍ବେଛାସେବୀ ମାନଙ୍କୁ ପୁରସ୍କାର ପ୍ରଦାନ କରଯାଇଥିଲା। ଏହି ପରିପ୍ରେକ୍ଷୀରେ ନୂତନ ସ୍ବେଛାସେବୀ ମାନଙ୍କ ନାମ ଜାତୀୟ ସେବା ଯୋଜନା ୟୁନିଟ 2 ରେ ପଞ୍ଜିକରଣ କରାଯାଇଥିଲା।ଶେଷରେ ପରିବେଶ କୁ ପରିଷ୍କାର ରଖିବାକୁ ସମସ୍ତେ ସଂକଳ୍ପ ନେଇଥିଲେ।ସ୍ବେଛାସେବୀ ଇପ୍ସିତା ଦାଶ ଓ ମନୀଷା ପଣ୍ଡା ସମ୍ପୂର୍ଣ୍ଣ କାର୍ଯ୍ୟକ୍ରମ କୁ ସଂଯୋଜନା ତଥା କାର୍ଯ୍ୟକ୍ରମ ଅଧିକାରୀ ଶ୍ରୀମତୀ ମାନସୀ ମହାପାତ୍ର ପରିଚାଳନା କରିଥିଲେ।