ନୂଆଦିଲ୍ଲୀ,୧୨।୧: ଭାରତ ଏହାର ମହତ୍ୱାକାଂକ୍ଷୀ SpadeX ମିଶନରେ ସଫଳତା ହାସଲ କରିବାର ବହୁତ ନିକଟତର ହୋଇଛି। ଇସ୍ରୋ କହିଛି ଯେ ସ୍ପେସ ଡକିଂ ପରୀକ୍ଷଣ (SPADEX) ଅଧୀନରେ, ଦୁଇଟି ଯାନକୁ ୧୫ମିଟର ନିକଟତର ଏବଂ ଆହୁରି ୩ ମିଟର ଉପରକୁ ଆଣିବାର ପରୀକ୍ଷଣ ସଫଳ ହୋଇଛି। ଉଭୟ ମହାକାଶଯାନ ଭଲ ଭାବରେ କାର୍ଯ୍ୟ କରୁଛି।ଭାରତୀୟ ମହାକାଶ ଅନୁସନ୍ଧାନ ସଂସ୍ଥା ଇସ୍ରୋ ଇତିହାସ ରଚିବାକୁ ଯାଉଛି । ସ୍ପେଡେକ୍ସ ଡକିଂ ମିଶନରେ ଭାରତକୁ ମିଳିବ ନୂଆ ସଫଳତା । ମହାକାଶରେ ଯୋଡ଼ି ହେବେ ଦୁଇ ସାଟେଲାଇଟ୍ । ପୃଥିବୀର ହାଇ-ଅର୍ବିଟରେ ବୁଲୁଥିବା ଦୁଇ ଉପଗ୍ରହ SDX01 ଚେଜର ଏବଂ SDX02 ଟାର୍ଗେଟ୍ ମଧ୍ୟରେ ୧୫ ମିଟର ଦୂରତା ବାକି ରହିଛି । କେଉଁ ମୁହୂର୍ତ୍ତରେ ବି ଆସିପାରେ ବଡ଼ ଖବର । ରାତି ଦୁଇଟା ବେଳେ ଚେଜର ଏହଂ ଟାର୍ଗେଟ୍ ମଧ୍ୟରେ ଦୂରତା ୧୦୫ ମିଟର ରହିଥିଲା । ଭୋର ପ୍ରାୟ ୫ଟା ବେଳକୁ ଏହା ୧୫ ମିଟରକୁ ହ୍ରାସ ପାଇଛି । ଦୁଇ ସାଟେଲାଇଟ୍ ମଧ୍ୟରେ ଦୂରତା ୩ ମିଟର ରହିଲେ, ସ୍ପେଡେକ୍ସ ଡକିଂ ଆରମ୍ଭ ହେବ । ସ୍ପେଶରେ ଡକିଂ ଭବିଷ୍ୟତରେ ଇସ୍ରୋ ପାଇଁ ମହାକାଶ ଅଭିଯାନରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ । ଇସ୍ରୋ ଆଜି ଏକ ପୋଷ୍ଟରେ ସୂଚନା ଦେଇଛି ଯେ ସ୍ପାଡେକ୍ସ ଡକିଂ ମିଶନ ଅଧୀନରେ, ଦୁଇଟି ଯାନକୁ ୧୫ମିଟର ଏବଂ ଆହୁରି ୩ମିଟର ନିକଟତର କରିବା ପାଇଁ ଏକ ପରୀକ୍ଷଣ ପ୍ରୟାସ କରାଯାଇଛି। ମହାକାଶଯାନକୁ ଏକ ନିରାପଦ ଦୂରତାକୁ ଫେରାଇ ନିଆଯାଉଛି। ତଥ୍ୟର ଅଧିକ ବିଶ୍ଳେଷଣ ପରେ ଡକିଂ ପ୍ରକ୍ରିୟା ସମ୍ପାଦିତ ହେବ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |