ନୂଆଦିଲ୍ଲୀ,୧୩।୭: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଭାରତୀୟ ସଂସଦର ଉଚ୍ଚ ସଦନ ରାଜ୍ୟସଭା ପାଇଁ ଚାରି ଜଣ ବିଶିଷ୍ଟ ବ୍ୟକ୍ତିଙ୍କୁ ମନୋନୀତ କରିଛନ୍ତି। ଏହି ମନୋନୀତ ବ୍ୟକ୍ତିମାନେ ହେଉଛନ୍ତି ପ୍ରଖ୍ୟାତ ସରକାରୀ ଓକିଲ ଉଜ୍ଜ୍ବଳ ଦେଓରାଓ ନିକମ, କେରଳର ବରିଷ୍ଠ ସାମାଜିକ କାର୍ଯ୍ୟକର୍ତ୍ତା ତଥା ଶିକ୍ଷାବିତ୍ ସି. ସଦାନନ୍ଦନ ମାଷ୍ଟର, ପୂର୍ବତନ ବୈଦେଶିକ ସଚିବ ହର୍ଷବର୍ଦ୍ଧନ ଶ୍ରୀଙ୍ଗଲା ଏବଂ ପ୍ରଖ୍ୟାତ ଇତିହାସକାର ଡ. ମିନାକ୍ଷୀ ଜୈନ। ଏହି ନାମାଙ୍କନ ସମ୍ବନ୍ଧରେ କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ ଜୁଲାଇ ୧୨ ରେ ଏକ ବିଜ୍ଞପ୍ତି ଜାରି କରାଯାଇଛି।ଭାରତୀୟ ସମ୍ବିଧାନର ଅନୁଚ୍ଛେଦ ୮୦(୧)(ଏ) ଏବଂ ଅନୁଚ୍ଛେଦ ୮୦(୩) ଅନୁଯାୟୀ ରାଷ୍ଟ୍ରପତିଙ୍କୁ ସାହିତ୍ୟ, ବିଜ୍ଞାନ, କଳା ଏବଂ ସାମାଜିକ ସେବା ଆଦି କ୍ଷେତ୍ରରେ ବିଶେଷ ଜ୍ଞାନ ତଥା ଅଭିଜ୍ଞତା ଥିବା ବ୍ୟକ୍ତିଙ୍କୁ ରାଜ୍ୟସଭାକୁ ମନୋନୀତ କରିବାର କ୍ଷମତା ପ୍ରଦାନ କରାଯାଇଛି। ରାଜ୍ୟସଭାକୁ ୪ ମନୋନୀତ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ରାଜ୍ୟସଭା ପାଇଁ ୪ ବିଶିଷ୍ଟ ବ୍ୟକ୍ତିଙ୍କୁ ମନୋନୀତ କରିଛନ୍ତି। ପୂର୍ବରୁ ମନୋନୀତ ସଦସ୍ୟଙ୍କ ଅବସର ଯୋଗୁଁ ଖାଲି ପଡିଥିବା ଆସନକୁ ଦୃଷ୍ଟିରେ ରଖି ଏହି ନାମାଙ୍କନ କରାଯାଇଛି। ଏ ନେଇ ଗୃହ ମନ୍ତ୍ରାଳୟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।ଏହି ନାମାଙ୍କନ ପୂର୍ବତନ ମନୋନୀତ ସଦସ୍ୟମାନଙ୍କର ଅବସର ଯୋଗୁଁ ଖାଲି ହୋଇଥିବା ଚାରିଟି ଆସନ ପୂରଣ କରିବା ପାଇଁ କରାଯାଇଛି।ଉଜ୍ଜ୍ବଳ ଦେଓରାଓ ନିକମ: ମହାରାଷ୍ଟ୍ରର ଜଣେ ପ୍ରଖ୍ୟାତ ସରକାରୀ ଓକିଲ ଭାବେ ଉଜ୍ଜ୍ବଳ ନିକମ ଅନେକ ହାଇ-ପ୍ରୋଫାଇଲ ମାମଲାରେ ନିଜର ଦକ୍ଷତା ପ୍ରମାଣ କରିଛନ୍ତି। ସେ ୨୬/୧୧ ମୁମ୍ବାଇ ଆତଙ୍କବାଦୀ ହମଲା ମାମଲାରେ ଆତଙ୍କବାଦୀ ଅଜମଲ କସାବଙ୍କୁ ମୃତ୍ୟୁଦଣ୍ଡ ଦେବା ସହ ୧୯୯୩ ମୁମ୍ବାଇ ବିସ୍ଫୋରଣ ମାମଲା ଭଳି ଗୁରୁତ୍ବପୂର୍ଣ୍ଣ ମାମଲା ପରିଚାଳନା କରିଛନ୍ତି। ୨୦୨୪ ଲୋକସଭା ନିର୍ବାଚନରେ ସେ ମୁମ୍ବାଇ ଉତ୍ତର ମଧ୍ୟ ଆସନରୁ ବିଜେପି ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ୱିତା କରିଥିଲେ, କିନ୍ତୁ ସେ ନିର୍ବାଚନରେ ପରାଜିତ ହୋଇଥିଲେ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |