ଭିଜିଲାନ୍ସ ଜାଲରେ କ୍ୟାପିଟାଲ ହସ୍ପିଟାଲ ଡାକ୍ତର

ଭୁବନେଶ୍ୱର,୧୭।୮:ଭିଜିଲାନ୍ସ ଜାଲରେ ଡାକ୍ତର। ୩୦ ହଜାର ଟଙ୍କା ଲାଞ୍ଚ ନେଇ ଧରାପଡ଼ିଲେ କ୍ୟାପିଟାଲ ହସ୍ପିଟାଲର ଆସିଷ୍ଟାଣ୍ଟ ସର୍ଜନ ଡାକ୍ତର ସତ୍ୟଜିତ ବେହେରା। NGO କର୍ମଚାରୀଙ୍କଠାରୁ ଲାଞ୍ଚ ନେଉଥିବା ବେଳେ ଟ୍ରାପ୍ କଲା ଓଡ଼ିଶା ଭିଜିଲାନ୍ସ।ଉକ୍ତ ହସ୍ପିଟାଲ ଦ୍ୱାରା କାଜୁଆଲ୍ଟିରେ ଚିକିତ୍ସା ପାଇଁ ଆସୁଥିବା ଅଜଣା ଏବଂ ଅସହାୟ ରୋଗୀଙ୍କୁ ସହାୟତା କରିବା ପାଇଁ ଏହି ଏନଜିଓକୁ ନିୟୋଜିତ କରାଯାଇଥିଲା। ଏନଜିଓର କର୍ମକର୍ତ୍ତା ଜୁନ୍ ୨୦୨୬ରୁ ଡାକ୍ତର ବେହେରାଙ୍କୁ କାର୍ଯ୍ୟ ପ୍ରମାଣପତ୍ରରେ ଦସ୍ତଖତ କରିବା ପାଇଁ ଅନୁରୋଧ କରି ଆସୁଥିଲେ। କିନ୍ତୁ ସେ ଏଥିପାଇଁ ଏନଜିଓର କର୍ମକର୍ତ୍ତା (ଅଭିଯୋଗକାରୀ)ଙ୍କଠାରୁ ୩୦,୦୦୦ ଟଙ୍କା ଦାବି କରିଥିଲେ। ଆଜି ଓଡ଼ିଶା ଭିଜିଲାନ୍ସର ଏକ ଦଳ ଅଭିଯୋଗକାରୀଙ୍କ ଠାରୁ ୩୦,୦୦୦ ଟଙ୍କା ଲାଞ୍ଚ ନେଉଥିବା ସମୟରେ ଡାକ୍ତର ବେହେରାଙ୍କୁ ଗିରଫ କରିଥିଲେ। ଅଭିଯୁକ୍ତ ଡାକ୍ତର ବେହେରାଙ୍କ ଠାରୁ ୩୦,୦୦୦ ଟଙ୍କା ଲାଞ୍ଚ ଟଙ୍କା ଜବତ କରାଯାଇଛି। ତିନୋଟି ସ୍ଥାନରେ ଏକକାଳୀନ ତଲାସି କରାଯାଉଛି। ତଦନ୍ତ ଜାରି ରହିଛି।