ଓଏସରେ ୧୧୪ ରାଙ୍କ ରଖି ରାଜକନିକା ପାଇଁ ଗୌରବ ଆଣିଲେ ସତ୍ୟସୁନ୍ଦର

ରାଜକନିକା,୩୧/୭ :ଓଡିଶା ସିଭିଲ ସର୍ଭିସ ପରୀକ୍ଷାରେ ୧୧୪ତମ ରାଙ୍କ ରଖି ସଫଳତାର ସହ ଉତ୍ତୀର୍ଣ୍ଣ ହୋଇଛନ୍ତି କେନ୍ଦ୍ରାପଡା ଜିଲ୍ଲା ରାଜକନିକା ତେନ୍ତୁଲିକୋଇଲି ଗାଁର ସତ୍ୟ ସୁନ୍ଦର ରାଉତରାୟ। ଆଜି ପ୍ରକାଶିତ ଓଡିଶା ସିଭିଲ ସର୍ଭିସ ପରୀକ୍ଷାରେ ରାଜକନିକା ତେନ୍ତୁଳିକୋଳି ଗାଁ ର ସତ୍ୟ ସୁନ୍ଦର ରାଉତରାୟ ଓଏଏସ ପାଇ ରାଜକନିକା ବ୍ଲକ ପାଇଁ ଗୌରବ ଆଣିଛନ୍ତି l ତେବେ ସତ୍ୟ ସୁନ୍ଦର ପ୍ରଥମ ଥର ଓଡିଶା ସିଭିଲ ସର୍ଭିସ ପରୀକ୍ଷା ପାଇଁ ପ୍ରସ୍ତୁତ ହେବା ସହ ଥରକରେ ଏହି ସଫଳତା ପାଇଥିବାରୁ ତାଙ୍କୁ ବିଭିନ୍ନ ମହଲରେ ଶୁଭେଚ୍ଛାର ସୁଅ ଛୁଟିଛି l ପୁନଶ୍ଚ ଏହି ସିଭିଲ ସର୍ଭିସ ପାଇଁ ସତ୍ୟ ସୁନ୍ଦର ବ୍ୟାଙ୍କ ଅଫ ବରୋଦା ରେ ମ୍ୟାନେଜର ଚାକିରୀ କରୁଥିବା ବେଳେ ୪ ବର୍ଷର ଚାକିରୀ କୁ ତୁଛ କରି ସିଭିଲ ସର୍ଭିସରେ ମନ ବଳାଇ ପ୍ରଥମ ଥରରେ କୃତକାର୍ଯ୍ୟ ହେବାର ନିଜ ଭିତରେ ଭରସା ରଖିବା ଏବଂ ତାହାକୁ ସଫଳ କରି ଦେଖାଇଥିବରୁ ସାରା ପରିବାର ଏହି ସଫଳତାରେ ଆତ୍ମହରା ହୋଇଛନ୍ତି l ବ୍ୟାଙ୍କ ଚାକିରୀ ଛାଡିବା ସହ ଦୀର୍ଘ ୨ବର୍ଷରୁ ଉର୍ଧ୍ଵ ସମୟ ଧରି ଏହି ସିଭିଲ ସର୍ଭିସ ପାଇଁ ପ୍ରୟାସରେ ରହିବା ପରେ ନିଶ୍ଚିତ ସଫଳତା ପାଇବାକୁ ସାବାସୀ ମିଳିଛି l ତେବେ ସତ୍ୟସୁନ୍ଦରଙ୍କ ଏହି ସଫଳତାରେ ବାପା ବିଦୁର ପ୍ରସାଦ ରାଉତ ମାଆ ମନୋରମା ରାଉତ ଏକମାତ୍ର ପୁଅର ଏହି ସଫଳତାକୁ ପୁରା ପରିବାର ବନ୍ଧୁବାନ୍ଧବ ଶୁଭେଛୁ ମାନଂକୁ ଦେଇଛନ୍ତି l ସିଭିଲ ସର୍ଭିସରେ ନିଜକୁ ନିୟୋଜିତ କରି ଅସହାୟ ମାନଙ୍କ ପ୍ରତି ଯଥୋଚିତ ନ୍ୟାୟ ପ୍ରଦାନରେ ବ୍ରତୀ ହେବାକୁ ସତ୍ୟସୁନ୍ଦର ପ୍ରାଥମିକତା ଦେବେ ବୋଲି କହିଛନ୍ତି । ଗତ ଦୁଇ ବର୍ଷ ହେବ ଏକ ଘରେବ୍ୟାଙ୍କରେ ଚାକିରି ଛାଡିବା ପରେ କୌଣସି କୋଚିଂ ନନେଇ ନିଜ ଘରେରହି ଓଏସ ପାଇଁ ପ୍ରସ୍ତୃତ ହେଉଥିଲେ।ନିଜର କଠିନ ପରିଶ୍ରମ ଓ ଏକାଗ୍ରତା ପାଇଁ ଆଜି ସେ ସଫଳତା ପାଇଥିବା ସତ୍ୟ ସୁନ୍ଦର କହିଛନ୍ତି। ନିଜର ଦାଦା,ବାପା ଓ ମାଙ୍କ ପ୍ରେରଣା ହିଁ ତାଙ୍କୁ ଆଗକୁ ପାଠ ପଢିବାରେ ସହାୟ ହୋଇଥିଲା। ଆଜି ସେ ଓଏସରେ ପାଇବା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅଛୁଟୁଛି।