ନୂଆଦିଲ୍ଲୀ,୧।୨: ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ୨୦୨୪ ବଜେଟ ଆଗତ କରାଯାଇଛି। ବଜେଟରେ ରେଳ ଯାତ୍ରୀଙ୍କୁ ସରକାର ଏକ ବଡ ଉପହାର ଦେଇଛନ୍ତି। ଦେଶର ୪୦ ହଜାର ଟ୍ରେନ କୋଚ ବନ୍ଦେ ଭାରତରେ ପରିଣତ ହେବ ବୋଲି ଅର୍ଥମନ୍ତ୍ରୀ ଘୋଷଣା କରିଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର ଲୋକସଭାରେ ବଜେଟ୍ ଉପସ୍ଥାପନ କରି କହିଛନ୍ତି ଯେ ଆଗାମୀ ବର୍ଷଗୁଡ଼ିକରେ ୩ଟି ନୂଆ ରେଳ ଅର୍ଥନୈତିକ କରିଡର ନିର୍ମାଣ କରାଯିବ। ଏହି କରିଡର ଶକ୍ତି, ଖଣିଜ ପଦାର୍ଥ ଏବଂ ସିମେଣ୍ଟ ପାଇଁ ହେବ । ପିଏମ୍ ଗତିଶକ୍ତି ଯୋଜନାରେ ପ୍ରକଳ୍ପ ଚିହ୍ନଟ କରାଯାଇଛି। ଏହା ଦ୍ୱାରା ଯାତ୍ରୀବାହୀ ଟ୍ରେନ୍ ଚଳାଚଳରେ ଉନ୍ନତି ଆସିବ ଏବଂ ଟ୍ରେନ୍ ରେ ଯାତ୍ରା କରିବା ନିରାପଦ ହେବ। ୪୦ ହଜାର ସାଧାରଣ କୋଚ୍ କୁ ବନ୍ଦେ ଭାରତ ଷ୍ଟାଣ୍ଡାର୍ଡରେ ପରିଣତ କରାଯିବରେଲୱେ ଦ୍ୱାରା ଯାତ୍ରା କରୁଥିବା ସେହି ସମସ୍ତ ଯାତ୍ରୀଙ୍କ ପାଇଁ ଏହା ବହୁତ ଲାଭଦାୟକ ହେବ।ଅର୍ଥମନ୍ତ୍ରୀରେ ଦେଇଥିବା ବଜେଟ ଅଭିଭାଷଣରେ ସେ କହିଛନ୍ତି, ରେଳ ଯାତ୍ରୀଙ୍କ ସୁବିଧା ପାଇଁ ବନ୍ଦେ ଭାରତ ଲାଇନରେ ୪୦ ହଜାର ଟ୍ରେନ କୋଚ ପରିବର୍ତ୍ତନ କରାଯିବ। ଏକ ଅର୍ଥନୈତିକ କରିଡର ସୃଷ୍ଟି କରିବା ଦ୍ୱାରା ଟ୍ରେନର କାର୍ଯ୍ୟରେ ମଧ୍ୟ ଉନ୍ନତି ହେବ। ଶକ୍ତି, ଖଣିଜ ଏବଂ ସିମେଣ୍ଟ ପାଇଁ ୩ଟି ନୂଆ କରିଡର ଆରମ୍ଭ ହେବ ବୋଲି ମଧ୍ୟ କୁହାଯାଇଛି।ଗତ ବର୍ଷ ବଜେଟରେ ରେଳବାଇରେ ୨.୪୦ ଲକ୍ଷ କୋଟି ଟଙ୍କା ବ୍ୟୟ ଖର୍ଚ୍ଚ କରିବାକୁ ଘୋଷଣା କରାଯାଇଥିଲା। ୨୦୧୩-୧୪ ରେଳବାଇରେ ଏହା ୯ ଗୁଣ ପୁଞ୍ଜି ବ୍ୟୟ ଥିଲା।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |