ୱାଶିଂଟନ,୧।୬: ଜୁନ୍ ୩ ରାତିରେ ଏବଂ ୪ ଜୁନ୍ ସକାଳରେ ଆକାଶରେ ଏକ ଚମତ୍କାର ମହାଜାଗତିକ ଘଟଣା ଘଟିବ। ଏ ଏହା ଏକ ବିରଳ ଦୃଶ୍ୟ। ଏହାକୁ ପୂର୍ବରୁ କେହି କେବେ ଦେଖି ନାହାନ୍ତି । ଆକାଶରେ ଗ୍ରହମାନଙ୍କର ପରେଡ୍ ହେବ ।୬ ଟି ଗ୍ରହ ଏକ ଧାଡିରେ ଦେଖାଯିବେ। ଉଦୟ ସୂର୍ଯ୍ୟଙ୍କ ନିକଟରେ ଏହା ଦୃଶ୍ୟମାନ ହେବ। ଶନି ଏବଂ ଅର୍ଦ୍ଧଚନ୍ଦ୍ର ମଧ୍ୟରେ ଲାଲ ରଙ୍ଗର ମଙ୍ଗଳ ଦେଖାଯିବ। ଏହି ଦୃଶ୍ୟ ଭୋର୍ ପ୍ରାୟ ୫ ଟା ପୂର୍ବରୁ ସୂର୍ଯ୍ୟୋଦୟ ପୂର୍ବରୁ ଦେଖିବାକୁ ମିଳିବ। ନାସା ଏ ସମ୍ପର୍କରେ ଏକ ସତର୍କ ସୂଚନା ଜାରି କରିଛି।
ଭାରତରେ ଦେଖାଯିବ ନାହିଁ, ନାସା ଏହାକୁ ଲାଇଭ୍ ଦେଖାଇବ
ତାମିଲନାଡୁ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କେନ୍ଦ୍ର (ଟିଏନଏସଟିସି)ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଆଇ.କେ ଲେନିନ୍ ତାମିଲକୋଭାନ୍ କହିଛନ୍ତି ସୂର୍ଯ୍ୟୋଦୟ ହେବାର କିଛି ମିନିଟ୍ ପୂର୍ବରୁ ବୁଧ, ମଙ୍ଗଳ, ବୃହସ୍ପତି, ଶନି, ନେପଚୁନ୍ ଏବଂ ୟୁରାନ୍ସ ଧାଡ଼ିରେ ରହିବେ। କିନ୍ତୁ ସମସ୍ତ ଗ୍ରହ ଖାଲି ଆଖିରେ ଦୃଶ୍ୟମାନ ହୋଇପାରିବେ ନାହିଁ। ଏହି ମହାଜାଗତିକ ଦୃଶ୍ୟ ଦେଖିବା ପାଇଁ ବାଇନୋକୁଲାର ବ୍ୟବହାର କରିବାକୁ ପଡିବ। ନାସା ଏହି ବିରଳ ଦୃଶ୍ୟକୁ ସିଧା ପ୍ରସାରଣ କରିବ। ଯଦିଓ ଏହା ଭାରତରେ ଦୃଶ୍ୟମାନ ହେବ ନାହିଁ, କିନ୍ତୁ ଏହି ଦୃଶ୍ୟ କେତେକ ଦେଶରେ ସ୍ପଷ୍ଟ ଦେଖାଯିବ। ବୁଧ, ସୌର ଜଗତର କ୍ଷୁଦ୍ରତମ ଗ୍ରହ ଏବଂ ବୃହସ୍ପତି ସୂର୍ଯ୍ୟଙ୍କ ନିକଟତର ହେବେ । କେବଳ ବୁଧ ଗ୍ରହକୁ ଦେଖିହେବ। ଅଧିକ ଦୂରତା ଯୋଗୁ ଏକ ଶକ୍ତିଶାଳୀ ଦୂରବୀକ୍ଷଣ ଯନ୍ତ୍ର ବିନା ୟୁରାନ୍ସକୁ ଦେଖିହେବ ନାହିଁ। ଯଦି ଆକାଶ ସ୍ୱଚ୍ଛ ରହିବ ତେବେ ୩ଟି ଗ୍ରହ ସୂର୍ଯ୍ୟୋଦୟ ପୂର୍ବରୁ ଖାଲି ଆଖିରେ ଦୃଶ୍ୟମାନ ହୋଇପାରେ। ଏଥିରେ ମଙ୍ଗଳ ଅନ୍ତର୍ଭୁକ୍ତ, ଯାହା ଏକ ଉଜ୍ଜ୍ୱଳ କମଳା ଆଲୋକ ପରି ଦେଖାଯିବ। ଶନି ହଳଦିଆ ରଙ୍ଗରେ ଦେଖାଯାଏ। ନେପଚୁନ୍ ହେଉଛି ସୂର୍ଯ୍ୟଠାରୁ ଦୂରତମ ଗ୍ରହ। ତେଣୁ ଏହାକୁ ବାଇନୋକୁଲାର ମାଧ୍ୟମରେ ଦେଖିହେବ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |