ନୂଆଦିଲ୍ଲୀ,୨୨।୬: ନିଟ୍ ପ୍ରଶ୍ନପତ୍ର ଲିକ୍ ଓ ପରେ ୟୁଜିସି-ନେଟ୍ ପରୀକ୍ଷା ବାତିଲକୁ ନେଇ ସାରା ଦେଶରେ ହଇଚଇ ସୃଷ୍ଟି ହୋଇଛି। ସେପଟେ ପେପର ଲିକ୍ ରୋକିବା ପାଇଁ ସରକାର ଏକ ବଡ଼ ନିଷ୍ପତ୍ତି ନେଇ କଠୋର ଆଇନ ପ୍ରଣୟନ କରିଛନ୍ତି। କେନ୍ଦ୍ର ସରକାର ‘ସାର୍ବଜନୀନ ପରୀକ୍ଷା ଆଇନ, ୨୦୨୪’କୁ ନୋଟିସ୍ ଜାରି କରିଛନ୍ତି। ଏହି ପ୍ରଶ୍ନପତ୍ର ଲିକ୍ ନିରୋଧୀ ଆଇନର ଉଦ୍ଦେଶ୍ୟ ହେଉଛି ପେପର ଲିକ୍ ଏବଂ ପ୍ରତିଯୋଗିତାମୂଳକ ପରୀକ୍ଷାର ନକଲକୁ ରୋକିବା।ଚଳିତ ବର୍ଷ ଫେବୃଆରୀରେ ପାରିତ ହୋଇଥିବା ଆଇନକୁ ଜୁନ୍ ୨୨ରୁ କାର୍ଯ୍ୟକାରୀ କରିଛନ୍ତି କେନ୍ଦ୍ର ସରକାର। ଏହି ଆଇନ ଅନୁଯାୟୀ ଦୋଷୀଙ୍କୁ ସର୍ବାଧିକ ୧୦ ବର୍ଷ ଜେଲ ଦଣ୍ଡ ଏବଂ ୧ କୋଟି ଟଙ୍କା ପର୍ଯ୍ୟନ୍ତ ଜରିମାନା ରହିଛି। ସାର୍ବଜନୀନ ପରୀକ୍ଷା ଆଇନ ୨୦୨୪ରେ ୧୫ଟି କାର୍ଯ୍ୟକଳାପ ପ୍ରାଧାନ୍ୟ ଦିଆଯାଇଛି। ଏହି ଆଇନର ମୁଖ୍ୟ ଉଦ୍ଦେଶ୍ୟ ହେଉଛି ପରୀକ୍ଷାରେ ଅନ୍ୟାୟ ପଦ୍ଧତିର ବ୍ୟବହାରକୁ ରୋକିବା।
- ପରୀକ୍ଷା ପୂର୍ବରୁ ପ୍ରଶ୍ନପତ୍ର କିମ୍ବା ଉତ୍ତର ଲିକ୍।
- ଯେତେବେଳେ ଉତ୍ତର କିମ୍ବା ପ୍ରଶ୍ନପତ୍ର ଲିକ୍ ରେ ଅନ୍ୟ ଲୋକଙ୍କ ସହିତ ଜଡିତ ହେବା।
- ବିନା ଅଧିକାରରେ ପ୍ରଶ୍ନପତ୍ର କିମ୍ବା ଓଏମଆର ସିଟ୍ ଦେଖିବା କିମ୍ବା ରଖିବା।
- ପରୀକ୍ଷା ସମୟରେ କୌଣସି ଅନଧିକୃତ ବ୍ୟକ୍ତିଙ୍କ ଦ୍ୱାରା ଏକ କିମ୍ବା ଅଧିକ ପ୍ରଶ୍ନର ଉତ୍ତର ଦେବା।
- ଯେକୌଣସି ପରୀକ୍ଷାରେ ପରୀକ୍ଷାର୍ଥୀଙ୍କୁ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବେ ଯେକୌଣସି ଉପାୟରେ ଉତ୍ତର ଲେଖିବାରେ ସାହାଯ୍ୟ କରିବା।
- ଉତ୍ତର ଖାତା କିମ୍ବା ଓଏମଆର ସିଟ୍ ରେ ତ୍ରୁଟି ଥିଲେ।
- ବିନା କୌଣସି କର୍ତ୍ତୃପକ୍ଷ କିମ୍ବା ବିନା ତ୍ରୁଟିରେ ମୂଲ୍ୟାୟନର କୌଣସି ହେରଫେର।
- ଯଦି କୌଣସି ପରୀକ୍ଷା ପାଇଁ କେନ୍ଦ୍ର ସରକାର ଧାର୍ଯ୍ୟ କରିଥିବା ମାନଦଣ୍ଡ ଓ ନିୟମକୁ ଜାଣିଶୁଣି ଅବମାନନା କିମ୍ବା ଉଲ୍ଲଂଘନ କରାଯାଏ।
- କୌଣସି ପ୍ରାର୍ଥୀଙ୍କୁ ଚୟନ କରିବା କିମ୍ବା ତାଙ୍କର ଯୋଗ୍ୟତା କିମ୍ବା ମାନ୍ୟତା ନିର୍ଦ୍ଧାରଣ କରିବା ପାଇଁ ଆବଶ୍ୟକ ବିବେଚନା କରାଯାଉଥିବା କୌଣସି ଦସ୍ତାବିଜକୁ ତ୍ରୁଟି କରନ୍ତି।
- ପରୀକ୍ଷା ପରିଚାଳନାରେ ବାଧା ସୃଷ୍ଟି କରିବା ଉଦ୍ଦେଶ୍ୟରେ ଜାଣିଶୁଣି ସୁରକ୍ଷା ମାନଦଣ୍ଡଉଲ୍ଲଂଘନ କରନ୍ତି।
- ଏଥିରେ କମ୍ପ୍ୟୁଟର ନେଟୱାର୍କ, କମ୍ପ୍ୟୁଟର ସମ୍ବଳ କିମ୍ବା କୌଣସି କମ୍ପ୍ୟୁଟର ସିଷ୍ଟମ ସହିତ ବିଭ୍ରାଟ ମଧ୍ୟ ଅନ୍ତର୍ଭୁକ୍ତ।
- ପରୀକ୍ଷାରେ ତ୍ରୁଟି କରିବା ଉଦ୍ଦେଶ୍ୟରେ ପରୀକ୍ଷାର୍ଥୀଙ୍କ ବସିବା ବ୍ୟବସ୍ଥା, ପରୀକ୍ଷା ତାରିଖ କିମ୍ବା ସିଫ୍ଟ ଆବଣ୍ଟନରେ ଅନିୟମିତତା।
- ସାର୍ବଜନୀନ ପରୀକ୍ଷା କର୍ତ୍ତୃପକ୍ଷ, ସେବା ପ୍ରଦାନକାରୀ କିମ୍ବା କୌଣସି ସରକାରୀ ଏଜେନ୍ସିର ଲୋକଙ୍କ ଦ୍ୱାରା କୌଣସି ପରୀକ୍ଷାକୁ ଧମକ ଦେବା କିମ୍ବା ବାଧାପ୍ରାପ୍ତ କରିବା।
- ନକଲି ୱେବସାଇଟ୍ ତିଆରି କରି ଟଙ୍କା ଆଦାୟ କରିବା କିମ୍ବା ଠକେଇ କରିବା।
- ନକଲି ପରୀକ୍ଷା, ନକଲି ଆଡମିଟ୍ କାର୍ଡ କିମ୍ବା ଅଫର ଲେଟର ଦେବା ପାଇଁ ମଧ୍ୟ ଦଣ୍ଡିତ କରାଯାଇପାରେ।
ପେପର୍ ଲିକ୍ କଲେ ହେବ ୧୦ ବର୍ଷ ଯାଏ ଜେଲ ଦଣ୍ଡାଦେଶ। କେବଳ ସେତିକି ନୁହେଁ ୧୦ ଲକ୍ଷରୁ ୧ କୋଟି ଯାଏ ଜରିମାନା ମଧ୍ୟ ଦେବାକୁ ପଡିବ। ଦେଶରେ ଅଧ ରାତିରୁ ଲାଗୁ ହୋଇଛି ଆଣ୍ଟି ପେପର୍ ଲିକ୍ ଆଇନ୍। ପ୍ରଶ୍ନ ପତ୍ର ଲିକ୍ ସମ୍ବନ୍ଧରେ ଚଳିତ ବର୍ଷ ଫେବ୍ରୁଆରୀରେ ପାରିତ ହୋଇଥିବା ଆଇନ ଆଜିଠାରୁ ଲାଗୁ ହୋଇଛି। ଶୁକ୍ରବାର ବିଳମ୍ବିତ ରାତିରେ ସରକାର ଏହି ଆଇନର ବିଜ୍ଞପ୍ତି ଜାରି କରିଛନ୍ତି।ଏହି ଆଇନ୍ର ନାଁ ସର୍ବସାଧାରଣ ପରୀକ୍ଷା ଅଧିନିୟମ ୨୦୨୪ ଅର୍ଥାତ୍ ପବ୍ଲିକ୍ ଏଗ୍ଜାମିନେସନ୍ (ଅନ୍ୟାୟ ଅର୍ଥର ନିରାକରଣ) ଆଇନ୍ ୨୦୨୪ ନାମରେ ନାମିତ କରାଯାଇଛି। ଫେବୃଆରୀ ୨୦୨୪ ରେ ସଂସଦ ଦ୍ୱାରା ଏହି ଆଇନ ପାରିତ ହୋଇଥିଲା। ଏହି ଆଇନ କାର୍ଯ୍ୟକାରୀ ହେବା ପରେ ତିନି ବର୍ଷରୁ ୧୦ ବର୍ଷ ପର୍ଯ୍ୟନ୍ତ ଦଣ୍ଡବିଧାନ ଏବଂ ପେପର୍ ଲିକରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତିଙ୍କ ପାଇଁ ୧୦ ଲକ୍ଷରୁ ୧ କୋଟି ପର୍ଯ୍ୟନ୍ତ ଜୋରିମାନା ବ୍ୟବସ୍ଥା ରହିଛି। UPSC, SSC, ରେଳବାଇ, ବ୍ୟାଙ୍କିଙ୍ଗ୍ ନିଯୁକ୍ତି ପରୀକ୍ଷା ଏବଂ ଜାତୀୟ ପରୀକ୍ଷା ଏଜେନ୍ସି (NTA) ଦ୍ୱାରା ପରିଚାଳିତ ସମସ୍ତ କମ୍ପ୍ୟୁଟର ଭିତ୍ତିକ ପରୀକ୍ଷା ଏହି ଆଇନ୍ରେ ଅନ୍ତର୍ଭୁକ୍ତ ହେବ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |