ଚନ୍ଦ୍ରରେ ପାଣିର ସନ୍ଧାନ

ନୂଆଦିଲ୍ଲୀ,,୮।୩:ଚନ୍ଦ୍ରରେ ପାଣିର ସନ୍ଧାନ ପାଇଛି ଚନ୍ଦ୍ରଯାନ-୩। ଚନ୍ଦ୍ରରେ ପାଣି ଗଚ୍ଛିତ ଅଛି କି ନାହିଁ ତାକୁ ନେଇ ବିଭିନ୍ନ ସମୟରେ ଭିନ୍ନ ଭିନ୍ନ ତଥ୍ୟ ପ୍ରକାଶ ପାଇଛି। ମାତ୍ର ଇସ୍ରୋର ଚନ୍ଦ୍ରଯାନ-୩ ଅଭିଯାନରେ ମିଳିଥିବା ତଥ୍ୟ ଅନୁଯାୟୀ ଚନ୍ଦ୍ରରେ ବିପୁଳ ପରିମାଣର ପାଣି ବରଫ ଆକାରରେ ଗଚ୍ଛିତ ରହିଛି। ଏପରିକି ଏହି ପାଣିକୁ ବ୍ୟବହାର କରାଯାଇପାରିବ ବୋଲି କୁହାଯାଇଛି। ୨୦୨୩ ଅଗଷ୍ଟ ୨୩ରେ ଚନ୍ଦ୍ରଯାନ-୩ ଚନ୍ଦ୍ରର ଦକ୍ଷିଣ ମେରୁରେ ସଫଳତାର ସହ ଅବତରଣ କରିଥିଲା। ଏହି ସମୟରେ ଚନ୍ଦ୍ରଯାନ-୩ ତାପମାତ୍ରା ସମ୍ପର୍କିତ ଗୁରୁତ୍ବପୂର୍ଣ୍ଣ ତଥ୍ୟ ଦେଇଥିଲା ଯାହା ସୂଚିତ କରୁଛି ଯେ ଚନ୍ଦ୍ରପୃଷ୍ଟର ତଳେ ବହୁମାତ୍ରାରେ ବରଫ ଗଚ୍ଛିତ ଅଛି। ଚନ୍ଦ୍ରଯାନ-୩ ଦ୍ବାରା ପ୍ରେରିତ ବିଭିନ୍ନ ତଥ୍ୟ ଉପରେ ଗବେଷଣା କରୁଥିବା ଦଳର ମୁଖ୍ୟ ଦୁର୍ଗାପ୍ରସାଦ କାରନାମ କହିବା ଅନୁଯାୟ ଚନ୍ଦ୍ରର ଦକ୍ଷିଣ ମେରୁରୁ ପୃଷ୍ଠ ତଳେ ବରଫ ଥିବା କାରଣରୁ ଅଞ୍ଚଳ ଭିତ୍ତିରେ ଚନ୍ଦ୍ରପୃଷ୍ଠର ତାପମାତ୍ରାରେ ପାର୍ଥକ୍ୟ ରହୁଛି।