ଭୁବନେଶ୍ବର,୨୯ା୩: ଆଜି ମହାକାଶରେ ଦେଖିବାକୁ ମିଳିବ ମହାଜାଗତିକ ଦୃଶ୍ୟ। ଆଜି ବର୍ଷର ପ୍ରଥମ ଆଂଶିକ ସୂର୍ଯ୍ୟୋପରାଗ। ଚୈତ୍ର ଅମବାସ୍ୟା ତିଥିରେ ଏହି ଖଣ୍ଡଗ୍ରାସ ସୂର୍ଯ୍ୟୋପରାଗ ହେଉଥିବା ବେଳେ ଏହା ଆମ ଦେଶକୁ ଦୃଶ୍ୟମାନ ହେବନାହିଁ ।ଉତ୍ତର ଆମେରିକା, ଗ୍ରୀନ୍ଲ୍ୟାଣ୍ଡ, ଉତ୍ତର ପଶ୍ଚିମ ରୁଷିଆରେ ଏହା ଦେଖାଯିବ। ଭାରତୀୟ ସମୟ ଅପରାହ୍ଣ ୨ଟା ୨୦ରୁ ପରାଗ ଆରମ୍ଭ ହୋଇ ଅପରାହ୍ଣ ୪ଟା ୧୭ରେ ଶେଷ ହେବ। ଆମ ଦେଶକୁ ଏହା ଦେଖା ଯାଉନଥିବାରୁ ଶ୍ରୀମନ୍ଦିର ନୀତିକାନ୍ତି କିମ୍ବା ଅନ୍ୟ ଦେବାଳୟ ନୀତିକାନ୍ତି ପରିବର୍ତ୍ତନ ହେବନାହିଁ ବୋଲି ଶ୍ରୀମନ୍ଦିର ସୂତ୍ରରୁ ଜଣାପଡ଼ିଛି। ତେଣୁ ଆମ ରାଜ୍ୟରେ ପାକତ୍ୟାଗ ଓ ଦେବନୀତି ନିଷିଦ୍ଧ ଜନିତ ନୀତି ପାଳନ ହେବନାହିଁ ।
ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ଓଡିଆନ୍ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ଓଡିଆନ୍ ନ୍ୟୁଜ ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |